700 ಕೋಟಿ ವಂಚನೆ ಪ್ರಕರಣ;ರಾನ್ ಬಾಕ್ಸಿ ಮಾಜಿ ಪ್ರಮೋಟರ್ ಸಿಂಗ್ ಬಂಧನ

ನವದೆಹಲಿ:700 ಕೋಟಿ ರೂಪಾಯಿ ವಂಚನೆ ಪ್ರಕರಣಕ್ಕೆ ಸಂಬಂಧಿಸಿದಂತೆ ರಾನ್ ಬಾಕ್ಸಿ ಔಷಧ ಕಂಪನಿಯ ಮಾಜಿ ಪ್ರಮೋಟರ್ ಶಿವೀಂದರ್ ಮೋಹನ್ ಸಿಂಗ್ ಸೇರಿದಂತೆ ನಾಲ್ವರನ್ನು ದೆಹಲಿ ಪೊಲೀಸರು ಬಂಧಿಸಿದ್ದಾರೆ.

ಫೈನಾಶ್ಶಿಯಲ್ ಸರ್ವೀಸಸ್ ಕಂಪನಿಯಾದ ರೇಲಿಗಾರ್ ದೂರಿನ ಮೇರೆಗೆ ಸಿಂಗ್ ಹಾಗೂ ಇತರ ಮೂವರನ್ನು ಗುರುವಾರ ಸಂಜೆ ಬಂಧಿಸಿದ್ದಾರೆ. 740 ಕೋಟಿ ರೂಪಾಯಿ ಹಣವನ್ನು ದುರುಪಯೋಗಪಡಿಸಿಕೊಂಡಿರುವುದಾಗಿ ಕಂಪನಿ ಆರೋಪಿಸಿದೆ.

ಕುತೂಹಲದ ಸಂಗತಿ ಅಂದರೆ ರೇಲಿಗಾರ್ ಕಂಪನಿಯನ್ನು ಹುಟ್ಟುಹಾಕಿದ್ದು ಶಿವೀಂದರ್ ಸಿಂಗ್ ಮತ್ತು ಅವರ ಸಹೋದರ ಮಾಲ್ವಿಂದರ್ ಸಿಂಗ್. ರಾನ್ ಬಾಕ್ಸಿಯನ್ನು ಜಪಾನಿನ ಔಷಧ ತಯಾರಿಕ ಡೈಚಿ ಸ್ಯಾನ್ ಯೋಗೆ ಸಿಂಗ್ ಸಹೋದರರು ಮಾರಾಟ ಮಾಡಿದ ನಂತರ ರೇಲಿಗಾರ್ ಕಂಪನಿ ಹುಟ್ಟುಹಾಕಿದ್ದರು.

ಸೆಪ್ಟಂಬರ್ ತಿಂಗಳಿನಲ್ಲಿ ಸಲ್ಮಾನ್ ಖಾನ್ ಮಾಜಿ ಅಂಗರಕ್ಷಕ ಅನಾಸ್ ಖುರೇಷಿ ಮೊರಾದಾಬಾದ್ ನಲ್ಲಿ ರಂಪಾಟ ನಡೆಸಿದ ಪ್ರಕರಣಕ್ಕೆ ಸಂಬಂಧಿಸಿದಂತೆ ಬಂಧಿಸಿದ್ದನ್ನು ಇಲ್ಲಿ ನೆನಪಿಸಿಕೊಳ್ಳಬಹುದಾಗಿದೆ.