ರಸ್ತೆ ಅಪಘಾತ: ಅಕಾಲಿ ನಾಯಕ, ಪತ್ನಿ, ಇನ್ನಿಬ್ಬರಿಗೆ ಗಾಯ

ಫ‌ಗ್ವಾರಾ : ಇಲ್ಲಿಗೆ ಸಮೀಪ ಇಂದು ಬೆಳಗ್ಗೆ ನಡೆದ ರಸ್ತೆ ಅಪಘಾತದಲ್ಲಿ ಹಿರಿಯ ಅಕಾಲಿ ನಾಯಕ ಮತ್ತು ಮಾಜಿ ಶಾಸಕ ಸರಬ್‌ಜಿತ್‌ ಸಿಂಗ್‌ ಮಕ್ಕಾರ್‌, ಅವರ ಪತ್ನಿ ಮತ್ತು ಇನ್ನಿಬ್ಬರು ಸೇರಿದಂತೆ ಒಟ್ಟು ನಾಲ್ವರು ಗಾಯಗೊಂಡರೆಂದು ಪೊಲೀಸರು ತಿಳಿಸಿದ್ದಾರೆ.

ಫ‌ಗ್ವಾರಾ ಹೊರವಲಯದಲ್ಲಿನ ಡಿವೈನ್‌ ಪಬ್ಲಿಕ್‌ ಸ್ಕೂಲ್‌ ಸಮೀಪ ಟ್ರಕ್‌ ಒಂದಕ್ಕೆ ಮಾಜಿ ಶಾಸಕರ ಎಸ್‌ಯುವಿ ವಾಹನ ಹಿಂಬದಿಯಿಂದ ಢಿಕ್ಕಿ ಹೊಡೆಯಿತು. ಆಗ ಮಾಜಿ ಶಾಸಕ ಮಕ್ಕಾರ್‌,ಅವರ ಪತ್ನಿ ರೂಪೀಂದರ್‌ಜಿತ್‌ ಕೌರ್‌ ಮಕ್ಕಾರ್‌, ಭಾವ ಸುಖದೇವ್‌ ಸಿಂಗ್‌ ಔಜ್‌ಲಾ ಮತ್ತು ಗನ್‌ಮ್ಯಾನ್‌  ಕುಲದೀಪ್‌ ಸಿಂಗ್‌ ಅವರು ಗಾಯಗೊಂಡರು. 

ಗಾಯಾಳುಗಳನ್ನು ಜಾಲಂಧರ್‌ ಆಸ್ಪತ್ರೆಗೆ ಸೇರಿಸಲಾಗಿದೆ.