ನೀಲಗಿರಿ ಪರ್ವತದ ಸೌಂದರ್ಯ ಸವಿಯಲು 2.66 ಲಕ್ಷಕ್ಕೆ ರೈಲು ಬಾಡಿಗೆ!

ಊಟಿ: 6 ದೇಶಗಳ ಒಟ್ಟು 71 ಪ್ರವಾಸಿಗರು ನೀಲಗಿರಿ ಪರ್ವತದ ಸೌಂದರ್ಯ ಸವಿಯಲೆಂದು ಬರೋಬ್ಬರಿ 2.66 ಲಕ್ಷ ರೂ. ಪಾವತಿಸಿ ಹೆರಿಟೇಜ್‌ ಮೌಂಟೇನ್‌ ರೈಲನ್ನು ಬಾಡಿಗೆಗೆ ಪಡೆದಿದ್ದಾರೆ!

ದಕ್ಷಿಣ ರೈಲ್ವೇಯ ಸೇಲಂ ವಿಭಾಗ ಶತಮಾನಗಳಷ್ಟು ಹಳೆಯದಾದ ನೀಲಗಿರಿ ಪರ್ವತ ರೈಲಿನಲ್ಲಿ ಮೆಟ್ಟುಪಾಳಯಂನಿಂದ ಊಟಿವರೆಗೆ ಇಂಥ ವಿಶೇಷ ಪ್ರವಾಸವನ್ನು ಆಯೋಜಿಸುತ್ತಿರುತ್ತದೆ. ಅದರಂತೆ, ಬ್ರಿಟನ್‌, ಬೆಲ್ಜಿಯಂ, ಅಮೆರಿಕ ಮತ್ತು ಆಸ್ಟ್ರೇಲಿಯಾದ ಪ್ರವಾಸಿಗರು 2.66 ಲಕ್ಷ ರೂ.ಗೆ ಈ ರೈಲನ್ನು ಬಾಡಿಗೆ ಪಡೆದು ಸಂಚರಿಸಿದ್ದಾರೆ. ಜತೆಗೆ, ರೈಲ್ವೇ ದುರಸ್ತಿ ಸ್ಥಳವನ್ನೂ ಸಂದರ್ಶಿಸಿದ್ದಾರೆ.