ವಿದೇಶಾಂಗ ಸಚಿವ ಜೈಶಂಕರ್‌ ವಿದೇಶ ಪ್ರವಾಸ

ನವದೆಹಲಿ: ವಿದೇಶಾಂಗ ಸಚಿವ ಎಸ್‌.ಜೈಶಂಕರ್‌ ಫೆ.13ರಿಂದ 15ರವರೆಗೆ ಆಸ್ಟ್ರೇಲಿಯ ಮತ್ತು ಫಿಲಿಪ್ಪೀನ್ಸ್‌ ಪ್ರವಾಸ ನಡೆಸಲಿದ್ದಾರೆ.

ಅವರು ಈ ಹೊಣೆ ನಂತರ ಈ ದೇಶಗಳಿಗೆ ಮಾಡುತ್ತಿರುವ ಮೊದಲ ಪ್ರವಾಸವಿದು. ಫಿಲಿಪ್ಪೀನ್ಸ್‌ ಪ್ರವಾಸ ಇನ್ನೊಂದು ಕಾರಣಕ್ಕೆ ಮಹತ್ವ ಪಡೆದಿದೆ.

ಎರಡು ವಾರಗಳ ಹಿಂದೆ ಆ ದೇಶ, ಭಾರತದಿಂದ ಬ್ರಹ್ಮೋಸ್‌ ಖಂಡಾಂತರ ಕ್ಷಿಪಣಿಗಳ ಮೂರು ಬ್ಯಾಟರಿಗಳನ್ನು 375 ಮಿಲಿಯನ್‌ ಡಾಲರ್‌ಗಳಿಗೆ ಖರೀದಿ ಮಾಡಲು ಒಪ್ಪಿತ್ತು. ಪ್ರವಾಸದ ವೇಳೆ ಈ ಕುರಿತ ಮಾತುಕತೆ ಅಂತಿಮಗೊಳ್ಳಬಹುದಂದು ನಿರೀಕ್ಷಿಸಲಾಗಿದೆ.

ಹಾಗೆಯೇ ಫೆ.11ರಂದು ಮೆಲ್ಬರ್ನ್ ನಲ್ಲಿ ಭಾರತ, ಜಪಾನ್‌, ಅಮೆರಿಕ, ಆಸ್ಟ್ರೇಲಿಯ ವಿದೇಶಾಂಗ ಮಂತ್ರಿಗಳ ಸಭೆಯಿದೆ. ಅದರಲ್ಲೂ ಜೈಶಂಕರ್‌ ಪಾಲ್ಗೊಳ್ಳಲಿದ್ದಾರೆ.