ಭಾರತಕ್ಕೆ “ಫೋರ್ಡ್‌’ಗುಡ್‌ಬೈ

ಹೊಸದಿಲ್ಲಿ: ಅಮೆರಿಕದ ಕಾರು ತಯಾರಿಕ ಕಂಪೆನಿ ಫೋರ್ಡ್‌, ಭಾರತದಲ್ಲಿ ತನ್ನ ಕಾರ್ಯಾಚರಣೆ ಸ್ಥಗಿತಗೊಳಿಸುವುದಾಗಿ ಘೋಷಿಸಿದೆ.

ಭಾರತದಲ್ಲಿ ಕಳೆದ ಹತ್ತು ವರ್ಷಗಳಲ್ಲಿ 2 ಬಿಲಿಯನ್‌ ಡಾಲರ್‌ ನಷ್ಟವಾಗಿದೆ, ತನ್ನ ಕಾರುಗಳಿಗೆ ಇಲ್ಲಿ ಬೇಡಿಕೆಯಿಲ್ಲ, ಪೈಪೋಟಿ ಹೆಚ್ಚಿದೆ. ಆದ್ದರಿಂದ ಹೊರ ಹೋಗುವುದಾಗಿ ಘೋಷಿಸಿದೆ. 25 ವರ್ಷಗಳಿಂದ ಈ ದೇಶದಲ್ಲಿ ಉತ್ಪಾದನ ಘಟಕ ಹೊಂದಿದ್ದ ಅದು; ಈ ವರ್ಷ ನಾಲ್ಕನೇ ತ್ತೈಮಾಸಿಕದಲ್ಲಿ ಗುಜರಾತ್‌ನ ಸಾನಂದ್‌ನಲ್ಲಿರುವ ಘಟಕಕ್ಕೆ ಬೀಗ ಹಾಕಲಿದೆ.

ಚೆನ್ನೈಯಲ್ಲಿರುವ ಘಟಕವನ್ನು 2022ರಲ್ಲಿ ಮುಚ್ಚಲಿದೆ. ಅಲ್ಲಿಗೆ ಅಮೆರಿಕದ ಮೂರನೇ ವಾಹನ ಕಂಪೆ ನಿ ಭಾರತ ತೊರೆದಂತಾಗಲಿದೆ. ಇದಕ್ಕೂ ಮುನ್ನ ಜನರಲ್‌ ಮೋಟಾರ್ಸ್‌, ಹಾರ್ಲೆ ಡೇವಿಡ್ಸನ್‌ ಈ ನಿರ್ಧಾರವನ್ನು ಮಾಡಿವೆ.