ಫೋರ್ಬ್ಸ್ ಪಟ್ಟಿ: ಅಕ್ಷಯ್‌, ಕೊಹ್ಲಿ, ಸಲ್ಲು ಅಗ್ರಸ್ಥಾನ

ನವದೆಹಲಿ: ಫೋರ್ಬ್ಸ್ ಇಂಡಿಯಾ ನಿಯತಕಾಲಿಕೆಯು, 2019ರಲ್ಲಿ ಅತಿ ಹೆಚ್ಚು ಆದಾಯ ಪಡೆದ 100 ಸೆಲೆಬ್ರಿಟಿಗಳ ಪಟ್ಟಿ ಬಿಡುಗಡೆ ಮಾಡಿದ್ದು, ಬಾಲಿವುಡ್‌ ಸ್ಟಾರ್‌ ಅಕ್ಷಯ್‌ ಕುಮಾರ್‌ ಅಗ್ರಸ್ಥಾನ ಪಡೆದಿದ್ದಾರೆ. ವಿಶೇಷವೆಂದರೆ ಇವರು ಕಳೆದ ಬಾರಿಗಿಂತ ಶೇ.58.51ರಷ್ಟು ತಮ್ಮ ಆದಾಯ ಹೆಚ್ಚಿಸಿಕೊಂಡಿದ್ದಾರೆ.

293 ಕೋಟಿ ರೂ. ಆದಾಯದೊಂದಿಗೆ ಅಕ್ಷಯ್‌ ಪ್ರಥಮ, ವಿರಾಟ್‌ ಕೊಹ್ಲಿ 252 ಕೋಟಿ ರೂ.ನೊಂದಿಗೆ ದ್ವಿತೀಯ ಹಾಗೂ ಸಲ್ಮಾನ್‌ ಖಾನ್‌ 229 ಕೋಟಿ ಆದಾಯದೊಂದಿಗೆ ತೃತೀಯ ಸ್ಥಾನ ಪಡೆದಿದ್ದಾರೆ. ಮೆಗಾಸ್ಟಾರ್‌ ಅಮಿತಾಭ್‌ ಬಚ್ಚನ್‌, ಮಹೇಂದ್ರ ಸಿಂಗ್‌ ಧೋನಿ ಅನುಕ್ರಮವಾಗಿ 4 ಹಾಗೂ 5ನೇ ಸ್ಥಾನ ಪಡೆದಿದ್ದಾರೆ. ಟಾಪ್‌ ಟೆನ್‌ ಪಟ್ಟಿಯಲ್ಲಿ ಶಾರುಖ್‌ ಖಾನ್‌, ರಣವೀರ್‌ ಸಿಂಗ್‌, ಸಚಿನ್‌ ತೆಂಡೂಲ್ಕರ್‌, ಅಲಿಯಾ ಭಟ್‌, ದೀಪಿಕಾ ಪಡುಕೋಣೆ ಕೂಡ ಸ್ಥಾನ ಪಡೆದಿದ್ದಾರೆ. ಅಲ್ಲದೇ ದಕ್ಷಿಣ ಭಾರತದ 13 ಸಿನಿಮಾ ನಟರು 100ರ ಪಟ್ಟಿಯಲ್ಲಿ ಸ್ಥಾನ ಪಡೆದಿದ್ದಾರೆ.