Advertisement
2019-2020ರ ಕಾಲಾವಧಿಯ ಮಹಾಸಭೆಯನ್ನು ಸರಕಾರದ ಕೊರೊನಾ ನಿಯಮಗಳ ಪ್ರಕಾರ ನಡೆಸಲಾಗದ ಕಾರಣ ಈ ವರ್ಷ 2019-2020 ಹಾಗೂ 2020-2021ನೇ ಸಾಲಿನ ಮಹಾಸಭೆ ಯನ್ನು ನಡೆಸಲಾಯಿತು. ವಿಧಿತಾ ಆನಂದ್‌ ಪೂಜಾರಿ ಅವರ ಪ್ರಾರ್ಥನೆಯೊಂದಿಗೆ ಮಹಾಸಭೆ ಪ್ರಾರಂಭಗೊಂಡಿತು. ಗೌರವ ಪ್ರಧಾನ ಕಾರ್ಯದರ್ಶಿ ಧನಂಜಯ್‌ ಎಸ್‌. ಕೋಟ್ಯಾನ್‌ ಸ್ವಾಗತಿಸಿದರು. ಗತ ವಾರ್ಷಿಕ ಮಹಾಸಭೆಯ ವರದಿ ಯನ್ನು ಗೌರವ ಜತೆ ಕಾರ್ಯದರ್ಶಿಹರೀಶ್ ಜಿ. ಸಾಲ್ಯಾನ್‌ ವಾಚಿಸಿದರು.
ಅಧ್ಯಕ್ಷರು, ಭಾರತ್‌ ಬ್ಯಾಂಕ್‌ನ ನಿರ್ದೇಶಕ ಮಂಡಳಿಯ ಸದಸ್ಯರು, ಬಿಲ್ಲವ ಮಹಾಮಂಡಲದ ಅಧ್ಯಕ್ಷ ರಾಜಶೇಖರ್‌ ಕೋಟ್ಯಾನ್‌ ಉಪಸ್ಥಿತರಿದ್ದರು. ಉಪಾಧ್ಯಕ್ಷರಾದ ಶಂಕರ್‌ ಡಿ. ಪೂಜಾರಿ, ದಯಾನಂದ ಆರ್‌. ಪೂಜಾರಿ, ಶ್ರೀನಿವಾಸ್‌ ಆರ್‌. ಕರ್ಕೇರ, ಜತೆ ಕಾರ್ಯದರ್ಶಿ ಕೇಶವ ಕೆ. ಕೋಟ್ಯಾನ್‌, ಗೌರವ ಪ್ರಧಾನ ಕೋಶಾಧಿಕಾರಿ ರಾಜೇಶ್‌ ಜೆ. ಬಂಗೇರ, ಜತೆ ಕೋಶಾಧಿಕಾರಿ ಶಿವರಾಮ್‌ ಎಸ್‌. ಪೂಜಾರಿ, ಸದಾಶಿವ ಎ. ಕರ್ಕೇರ, ಮೋಹನ್‌ ಡಿ. ಪೂಜಾರಿ, ಜಯ ಎಸ್‌. ಸುವರ್ಣ. ಸೇವಾ ದಳಪತಿ ಗಣೇಶ್‌ ಕೆ. ಪೂಜಾರಿ, ಮಹಿಳಾ ವಿಭಾಗದ ಕಾರ್ಯಾಧ್ಯಕ್ಷೆ ಜಯಂತಿ ವಿ. ಉಳ್ಳಾಲ್‌, ಸಮಿತಿ ಸದಸ್ಯರು, ಸ್ಥಳೀಯ ಸಮಿತಿಗಳಕಾರ್ಯಾಧ್ಯಕ್ಷರು, ವಿಶೇಷ ಆಮಂತ್ರಿತರು ಉಪಸ್ಥಿತರಿದ್ದರು. ಜತೆ ಕಾರ್ಯದರ್ಶಿ ಧರ್ಮೇಶ್‌ ಎಸ್‌. ಸಾಲ್ಯಾನ್‌ ವಂದಿಸಿದರು.
Related Articles
ಕಳೆದ ವರ್ಷದ ಉತ್ತಮ ಕಾರ್ಯಕರ್ತರಿಗೆ ನೀಡುವ ಪುರಸ್ಕಾರವನ್ನು ಬಿಲ್ಲವರ ಅಸೋಸಿಯೇಶನ್‌ನ ಜತೆ ಕಾರ್ಯದರ್ಶಿ ಹರೀಶ್‌ ಜಿ. ಸಾಲ್ಯಾನ್‌ ಅವರಿಗೆ ನೀಡಿ ಗೌರವಿಸಲಾಯಿತು. ಉತ್ತಮವಾಗಿ ಕಾರ್ಯ ನಿರ್ವಹಿಸಿದ ಸ್ಥಳೀಯ ಪ್ರಾದೇಶಿಕ ಕಚೇರಿಗಳಿಗೆ ಪ್ರದಾನ ಮಾಡುವ ಗೌರವ ಪುರಸ್ಕಾರದಲ್ಲಿ ಬೊರಿವಲಿ ಸ್ಥಳೀಯ ಕಚೇರಿ ಪ್ರಥಮ, ಮೀರಾರೋಡ್‌ ಸ್ಥಳೀಯ ಕಚೇರಿ ದ್ವಿತೀಯ, ವಸಾಯಿ ಸ್ಥಳೀಯ ಕಚೇರಿ ತೃತೀಯ ಬಹುಮಾನ ಗಳಿಸಿದರೆ, ಭಿವಂಡಿ ಸ್ಥಳೀಯ ಕಚೇರಿ ಸಮಾಧಾನಕರ ಬಹುಮಾನ ಪಡೆದುಕೊಂಡಿತು.
Advertisement
ಚಿತ್ರ-ವರದಿ: ಸುಭಾಷ್‌ ಶಿರಿಯ