ಹಲಸು ಮೇಳ: 2ನೇ ದಿನವೂ ಜನಜಂಗುಳಿ

ಉಡುಪಿ: ದೊಡ್ಡಣಗುಡ್ಡೆ ಶಿವಳ್ಳಿ ಮಾದರಿ ತೋಟಗಾರಿಕಾ ಕ್ಷೇತ್ರದ ಪುಷ್ಪ ಹರಾಜು ಕೇಂದ್ರದ ಆವರಣದಲ್ಲಿ ಆಯೋಜಿಸಲಾದ ಮೂರು ದಿನಗಳ ಜಿಲ್ಲಾಮಟ್ಟದ ಹಲಸು ಮೇಳದ ಎರಡನೇ ದಿನವಾದ ರವಿವಾರ ಜನಜಂಗುಳಿ ಇತ್ತು.

ಮೊದಲ ದಿನದಂದೇ ಸುಮಾರು 4,000ದಷ್ಟು ಮಂದಿ ಆಗಮಿಸಿದ್ದರು. ರವಿವಾರ ಅಪರಾಹ್ನ ವೇಳೆಗೆ 5,000ದಷ್ಟು ಜನ ಆಗಮಿಸಿದ್ದರು. ತೂಬುಗೆರೆಯಿಂದ ತರಲಾದ ಸುಮಾರು 3 ಟನ್‌ ಹಲಸಿನಲ್ಲಿ ಬಹುಪಾಲು ಖಾಲಿಯಾಗಿದೆ. ಸಾಣೂರು ಹಲಸು ಬೆಳೆಗಾರರ ಸಂಘದವರು ತಂದಿದ್ದ ಹಣ್ಣು ಖಾಲಿಯಾಗಿ ಮತ್ತೂಮ್ಮೆ ತರಲಾಯಿತು.

ಹಲಸಿನ ಹಣ್ಣಿನ ಐಸ್‌ಕ್ರೀಂ ಶನಿವಾರವೇ ಖಾಲಿಯಾಗಿತ್ತು. ಮತ್ತೂಮ್ಮೆ ತರಿಸಲಾಯಿತು. ಕೆಲವು ಮಳಿಗೆಯವರು ವ್ಯಾಪಾರ ಮುಗಿಸಿ ತೆರಳಿದ್ದಾರೆ.
ಹಲಸಿನ ಬೀಜ ಮತ್ತು ಹಣ್ಣಿನ ಹೋಳಿಗೆಗೂ ವಿಶೇಷ ಬೇಡಿಕೆ ಇತ್ತು.