ಅಮೆರಿಕದಲ್ಲಿ ಸೌದಿ ವಿದ್ಯಾರ್ಥಿಯಿಂದ ಶೂಟೌಟ್‌

ವಾಷಿಂಗ್ಟನ್‌: ಯುಎಸ್‌ ನೌಕಾ ನೆಲೆಯಲ್ಲಿ ಪೈಲಟ್‌ ತರಬೇತಿ ಪಡೆಯುತ್ತಿದ್ದ ವಿದ್ಯಾರ್ಥಿಯೊಬ್ಬ ನಡೆಸಿದ ಗುಂಡಿನ ದಾಳಿಯಲ್ಲಿ ಮೂವರು ಮೃತಪಟ್ಟು, 8 ಮಂದಿ ಗಾಯಗೊಂಡ ಘಟನೆ ನಡೆದಿದೆ.

ಇಲ್ಲಿನ ಸೌದಿ ವಾಯುಪಡೆ ತರಬೇತಿ ಕೇಂದ್ರದಲ್ಲಿ ತರಬೇತಿ ಪಡೆಯುತ್ತಿದ್ದ ವಿದ್ಯಾರ್ಥಿಯೇ ಈ ಕೃತ್ಯವೆಸಗಿದ್ದಾನೆ.ಬಳಿಕ ಪೊಲೀಸರು ಆತನನ್ನು ಗುಂಡಿಕ್ಕಿ ಕೊಂದಿದ್ದಾರೆ. ಹತ್ಯೆ ಮಾಡಿದ ವ್ಯಕ್ತಿಯನ್ನು ಗುಪ್ತಚರ ಗುಂಪು ಸೌದಿ ಅರೇಬಿಯಾದ ಮೊಹಮ್ಮದ್‌-ಅಲ್‌-ಶಾಮ್ರಾನಿ ಎಂದು ಗುರುತಿಸಿದೆ. ಈ ದಾಳಿ ನಡೆಸುವ ಮುನ್ನ ಆತ ಟ್ವಿಟರ್‌ನಲ್ಲಿ ಅಮೆರಿಕ ಪ್ರಪಂಚದಲ್ಲಿ ಕ್ರೌರ್ಯವನ್ನು ಹುಟ್ಟುಹಾಕುತ್ತಿರುವುದುದಾಗಿ ಪೋಸ್ಟ್‌ಗಳನ್ನು ಬರೆದಿದ್ದ. ಜೊತೆಗೆ ಅಮೆರಿಕ ಇಸ್ರೇಲ್‌ಗೆ ಬೆಂಬಲ ನೀಡುತ್ತಿರುವುದನ್ನೂ ವಿರೋಧಿಸಿದ್ದ ಎಂದು ಹೇಳಲಾಗಿದೆ. ಇದೇ ವೇಳೆ, ಆತ ತನ್ನ ದೇಶದ ಪ್ರಜೆ ಅಲ್ಲ ಎಂದು ಸೌದಿ ಅರೇಬಿಯಾ ಹೇಳಿಕೊಂಡಿದೆ.