ಪ.ಬಂಗಾಲದ ಐದು ಬಾರಿಯ ಸಂಸದ A R ಚೌಧರಿ ಲೋಕಸಭೆಯಲ್ಲಿ ಕಾಂಗ್ರೆಸ್‌ ನಾಯಕ

ಹೊಸದಿಲ್ಲಿ : ಪಶ್ಚಿಮ ಬಂಗಾಲದ ಐದು ಬಾರಿಯ ಕಾಂಗ್ರೆಸ್‌ ಸಂಸದ ಆಧೀರ್‌ ರಂಜನ್‌ ಚೌಧರಿ ಲೋಕಸಭೆಯಲ್ಲಿ ಕಾಂಗ್ರೆಸ್‌ ಪಕ್ಷದ ನಾಯಕರಾಗಿರುತ್ತಾರೆ ಎಂದು ಇಂದು ಮಂಗಳವಾರ ಪಕ್ಷದ ಉನ್ನತ ಮೂಲಗಳು ತಿಳಿಸಿವೆ.

ಚೌಧರಿ ಅವರ ಹೆಸರನ್ನು ಪಕ್ಷದ ಉನ್ನತ ನಾಯಕತ್ವ ಅನುಮೋದಿಸಿದ ತರುವಾಯ ಅವರ ನೇಮಕಾತಿ ಪತ್ರವನ್ನು ಲೋಕಸಭಾ ಸಚಿವಾಲಯಕ್ಕೆ ಒಪ್ಪಿಸಲಾಯಿತು ಎಂದು ಮೂಲಗಳು ತಿಳಿಸಿವೆ.

ಹಾಗಿದ್ದರೂ ಚೌಧರಿ ಅವರ ನೇಮಕಾತಿ ಬಗ್ಗೆ ಪಕ್ಷವು ಅಧಿಕೃತವಾಗಿ ತುಟಿ ಬಿಚ್ಚಿಲ್ಲ. ಸ್ವತಃ ಚೌಧರಿ ಅವರು ಕೂಡ ತಮ್ಮ ನೇಮಕಾತಿಯ ಬಗ್ಗೆ ಜಾಣ ಅವಜ್ಞೆ ತೋರಿದ್ದಾರೆ.