ಮೆರಿಟ್‌ ಆಧರಿತ ವೀಸಾ ಐದು ಪಟ್ಟು ಏರಿಕೆ

ವಾಷಿಂಗ್ಟನ್‌: ಅಮೆರಿಕ ತನ್ನ ಮೆರಿಟ್‌ ಆಧರಿತ ವಲಸೆ ನೀತಿಯಲ್ಲಿ ಮಹತ್ವದ ಬದಲಾವಣೆ ಮಾಡಲು ನಿರ್ಧರಿಸಿದ್ದು, ಐದು ಪಟ್ಟು ಹೆಚ್ಚಳ ಮಾಡಲು ಉದ್ದೇಶಿಸಿದೆ. ಇದರಿಂದ ಅಮೆರಿಕ ವಾಸಿ ಭಾರತೀಯರಿಗೆ ಭಾರಿ ಅನು ಕೂಲವಾಗಲಿದೆ. ಶೇ. 57ಕ್ಕೆ ಮೆರಿಟ್‌ ಆಧರಿತ ಕಾನೂನಾತ್ಮಕ ವಲಸೆಗೆ ಅಮೆರಿಕ ಅನುವು ಮಾಡಲಿದೆ. ಸದ್ಯ ಇದು ಶೇ.12ರಷ್ಟಿದೆ.

ಈ ನೀತಿಯಿಂದಾಗಿ ಕೋಟ್ಯಂತರ ಪ್ರತಿಭಾ ವಂತರು ಅಮೆರಿಕಕ್ಕೆ ಹೆಚ್ಚಿನ ಸಂಖ್ಯೆಯಲ್ಲಿ ಆಗ ಮಿಸಲಿದ್ದು, ಮುಂದಿನ 10 ವರ್ಷಗಳಲ್ಲಿ 32 ಲಕ್ಷ ಕೋಟಿ ರೂ. ತೆರಿಗೆ ರೂಪದಲ್ಲಿ ಆದಾಯ ಲಭ್ಯವಾಗಲಿದೆ ಎಂದು ಅಮೆರಿಕ ಅಧ್ಯಕ್ಷ ಡೊನಾಲ್ಡ್‌ ಟ್ರಂಪ್‌ಗೆ ಅಧ್ಯಕ್ಷೀಯ ಸಲಹೆಗಾರರಾಗಿರುವ ಜೇರ್ಡ್‌ ಕುಷ್ನ್ ರ್‌ ಹೇಳಿದ್ದಾರೆ. ಇತರ ದೇಶಗಳಿಗೆ ಹೋಲಿಸಿದರೆ ಅಮೆ ರಿಕದ ವಲಸೆ ನೀತಿ ಅತ್ಯಂತ ಹಿಂದುಳಿ ದಿದ್ದು, ಇತರ ದೇಶಗಳಲ್ಲಿ ಕಾನೂನಾತ್ಮಕ ವಲಸೆ ನೀತಿ ಅತ್ಯಂತ ಸುಧಾರಿತವಾಗಿದೆ. ಪೌರತ್ವ ಪಡೆಯುವವರ ಸಂಖ್ಯೆ ಹೆಚ್ಚಿಸದೇ ಪ್ರತಿಭಾವಂತರಿಗೆ ಹೆಚ್ಚು ಅವಕಾಶ ಕಲ್ಪಿಸಲಿದ್ದೇವೆ ಎಂದು ಕುಷ°ರ್‌ ಹೇಳಿದ್ದಾರೆ.