ಅಮೇಠಿಯಲ್ಲಿ ಕಾರು-ಟ್ರಕ್‌ ಢಿಕ್ಕಿ: ಇಬ್ಬರು ಸಹೋದರರ ಸಹಿತ ಐವರ ಸಾವು

ಅಮೇಠಿ : ಫೈಜಾಬಾದ್‌ – ರಾಯ್‌ಬರೇಲಿ ರಾಷ್ಟ್ರೀಯ ಹೆದ್ದಾರಿಯಲ್ಲಿ ಟ್ರಕ್‌ , ಕಾರಿಗೆ ಢಿಕ್ಕಿಯಾಗಿ ಸಂಭವಿಸಿದ ಭೀಕರ ಅವಘಡದಲ್ಲಿ  ಇಬ್ಬರು ಸಹೋದರರ ಸಹಿತ ಐವರು ಮೃತಪಟ್ಟರೆಂದು ಪೊಲೀಸರು ತಿಳಿಸಿದ್ದಾರೆ.

ಜಗದೀಶ್‌ಪುರ ಪೊಲೀಸ್‌ ಠಾಣೆ ವ್ಯಾಪ್ತಿಯ ಹಾಲಿಯಾಪುರ ಕ್ರಾಸಿಂಗ್‌ ಸಮೀಪ ನಡೆದ ಈ ಅವಘಡದಲ್ಲಿ ಇಬ್ಬರು ಸ್ಥಳದಲ್ಲೇ ಮೃತಪಟ್ಟರೆ ಉಳಿದ ಮೂವರು ಆಸ್ಪತ್ರೆಯಲ್ಲಿ ಕೊನೆಯುಸಿರೆಳೆದರು. 

ಮೃತರನ್ನು ಸಾಜನ್‌ ಲಾಲ್‌ 40, ರಾಮೇಶ್ವರ ಪ್ರಸಾದ್‌ ಪಾಂಡೆ 62, ರಾಜ್‌ ಕರಣ್‌ ಪಾಂಡೆ 53, ಚಾಲಕ ರಾಮ್‌ ಕುಮಾರ್‌ 40 ಮತ್ತು ಹನುಮಾನ್‌ ಪ್ರಸಾದ್‌ 40 ಎಂದು ಗುರುತಿಸಲಾಗಿದೆ. ಇವರೆಲ್ಲರೂ ಸಮೀಪದ ಸಾರೇಸರ್‌ ಗ್ರಾಮದ ನಿವಾಸಿಗಳು.

ಇನ್ನೊಂದು ಪ್ರಕರಣದಲ್ಲಿ ಟ್ರಾಕ್ಟರ್‌ ಮಗುಚಿ ಬಿದ್ದು ಚಾಲಕ ಸೂರತ್‌ಗಢ ನಿವಾಸಿ ರಿಜ್ವಾನ್‌ ಅಹ್ಮದ್‌ 19 ಮೃತಪಟ್ಟಿರುವುದಾಗಿ ವರದಿಯಾಗಿದೆ.