ಜಾರ್ಖಂಡ್‌ : ಸಿಡಿಲು ಬಡಿದು ರೈತ, 4 ಬಾಲಕರ ಸಾವು, ಬಾಲಕಿ ಗಂಭೀರ

ಬೊಕಾರೋ/ಲೋಹಾರ್‌ದಗಾ (ಜಾರ್ಖಂಡ್‌) : ಬೊಕಾರೋ ಮತ್ತು ಲೋಹಾರ್‌ದಗಾ ಜಿಲ್ಲೆಗಳಲ್ಲಿ ಸಿಡಿಲಿನ ಆಘಾತಕ್ಕೆ ಐವರು ಬಲಿಯಾಗಿದ್ದಾರೆ. ಬಾಲಕಿಯೊಬ್ಬಳು ಸಿಡಿಲಿನ ಹೊಡೆತದಿಂದ ತೀವ್ರ ಸುಟ್ಟ ಗಾಯಗಳಿಗೆ ಗುರಿಯಾಗಿದ್ದಾಳೆ ಎಂದು ಪೊಲೀಸರು ತಿಳಿಸಿದ್ದಾರೆ.

ಬೊಕಾರೋ ಜಿಲ್ಲೆಯ ಅಲ್‌ಕುಶಾ ಗ್ರಾಮದಲ್ಲಿ  ಜಡಿ ಮಳೆ ಸುರಿಯುತ್ತಿದ್ದ ವೇಳೆ ಮನೆಯೊಂದರ ಮೇಲೆ ಸಿಡಿಲು ಅಪ್ಪಳಿಸಿದಾಗ ಮನೆಯೊಳಗೆ ಆಸರೆ ಪಡೆದಿದ ನಾಲ್ವರು ಬಾಲಕರು ಮೃತಪಟ್ಟರು. 

ಈ ನಾಲ್ಕೂ ಬಾಲಕರನ್ನು ಒಡನೆಯೇ ಆಸ್ಪತ್ರೆಗೆ ಒಯ್ಯಲಾಯಿತಾದರೂ ಅವರೆಲ್ಲ ಅದಾಗಲೇ ಮೃತಪಟ್ಟಿರುವುದಾಗಿ ವೈದ್ಯರು ಪ್ರಕಟಿಸಿದರು. 

ಲೋಹಾರ್‌ದಗಾ ಜಿಲ್ಲೆಯ ಪೇರೇಪತ್‌ ಗ್ರಾಮದಲ್ಲಿ ರೈತನೋರ್ವ ತನ್ನ ಹೊಲದಲ್ಲಿ ದಿನದ ಕೆಲಸ ಮುಗಿಸಿ ಮನೆಗೆ ಮರಳುತ್ತಿದ್ದಾಗ ಸಿಡಿಲೆರಗಿ ಆತ ಮೃತಪಟ್ಟ ಎಂದು ಪೊಲೀಸರು ತಿಳಿಸಿದ್ದಾರೆ.