ಮತ್ತೆ ಹುಟ್ಟಿ ಬನ್ನಿ;ಹಿಮಕುಸಿತದಲ್ಲಿ ರಕ್ಷಿಸಲ್ಪಟ್ಟ 5 ಯೋಧರು ವಿಧಿವಶ

ಶ್ರೀನಗರ:ಜಮ್ಮು ಕಾಶ್ಮೀರದ ಕುಪ್ವಾರ ಜಿಲ್ಲೆಯ ಗಡಿನಿಯಂತ್ರಣ ರೇಖೆ ಸಮೀಪ ಕಳೆದ ವಾರ ಸಂಭವಿಸಿದ್ದ ಭೀಕರ ಹಿಮಕುಸಿತದೊಳಕ್ಕೆ ಸಿಲುಕಿ ರಕ್ಷಿಸಲ್ಪಿಟ್ಟಿದ್ದ ಐವರು ಯೋಧರು ಚಿಕಿತ್ಸೆ ಫಲಕಾರಿಯಾಗದೆ ವಿಧಿವಶರಾಗಿದ್ದಾರೆಂದು ರಕ್ಷಣಾ ಇಲಾಖೆ ಅಧಿಕಾರಿಗಳು ಸೋಮವಾರ ತಿಳಿಸಿದ್ದಾರೆ.

ಜನವರಿ 28ರಂದು ಕುಪ್ವಾರದ ಮಾಚಿಲ್ ಸೆಕ್ಟರ್ ನಲ್ಲಿ ಹಿಮ ಕುಸಿದಿದ್ದರಿಂದ ಐವರು ಯೋಧರು ಸಿಲುಕಿದ್ದರು. ಬಳಿಕ ರಕ್ಷಣಾ ಕಾರ್ಯಾಚರಣೆಯಲ್ಲಿ ಐವರನ್ನೂ ಹೊರತೆಗೆದು ಆಸ್ಪತ್ರೆಗೆ ದಾಖಲಿಸಲಾಗಿತ್ತು. ಆದರೆ ದುರಂತ ಎಂಬಂತೆ ಶನಿವಾರ ಮತ್ತು ಭಾನುವಾರ ಹೊಗೆ ತುಂಬಿದ ವಾತಾವರಣ ಮತ್ತು ಹಿಮಪಾತದಿಂದಾಗಿ ಹೆಲಿಕಾಪ್ಟರ್ ಸಂಚಾರಕ್ಕೆ ಅಡ್ಡಿಯಾಗಿತ್ತು. ಹಾಗಾಗಿ ಐವರು ಯೋಧರನ್ನು ಚಿಕಿತ್ಸೆಗಾಗಿ ಸೋಮವಾರ ಶ್ರೀನಗರಕ್ಕೆ ತರಲಾಗಿತ್ತು.

ಚಿಕಿತ್ಸೆ ಫಲಕಾರಿಯಾಗದೆ ಐವರೂ ಯೋಧರು ಮೃತರಾಗಿರುವುದಾಗಿ ಪ್ರಕಟಣೆ ತಿಳಿಸಿದೆ. ಇತ್ತೀಚೆಗಷ್ಟೇ ಗುರೇಜ್ ನಲ್ಲಿ ಸೇನಾ ಶಿಬಿರದ ಮೇಲೆ ಭಾರೀ ಹಿಮಕುಸಿದ ಪರಿಣಾಮ ಯೋಧರು ಸೇರಿದಂತೆ 21 ಮಂದಿ ಸಾವನ್ನಪ್ಪಿದ್ದರು.