Advertisement
20 ದಿನ ಮುಗಿದು ಹೋಯಿತುಜೂನ್ ಮತ್ತು ಜುಲೈ ತಿಂಗಳು ಯಾಂತ್ರಿಕ ಮೀನುಗಾರಿಕೆಗೆ ನಿಷೇಧವಿದ್ದುದರಿಂದ ಆಳ ಸಮುದ್ರ ಮೀನುಗಾರಿಕೆ ಸ್ಥಗಿತಗೊಂಡಿತ್ತು. ಈ ಬಾರಿ ಕರಾವಳಿಯಲ್ಲಿ ಉತ್ತಮ ಮಳೆ ಸುರಿದಿದ್ದರಿಂದ ಮೀನುಗಳು ಹೇರಳವಾಗಿ ಸಿಗುವ ನಿರೀಕ್ಷೆಯೂ ಮೀನುಗಾರರಲ್ಲಿ ಇತ್ತು. ನಿಷೇಧ ತೆರವಾಗುತ್ತಿದ್ದಂತೆ ಮೀನುಗಾರರು ಬಹಳ ಉತ್ಸುಕತೆಯಿಂದ ಮೀನುಗಾರಿಕೆಗೆ ತೆರಳಿದ್ದರು. ಆದರೆ ಒಂದೆರಡು ದಿನ ಕಳೆಯುವಷ್ಟರಲ್ಲೆ ಮತ್ತೆ ಗಾಳಿಮಳೆ ಜೋರಾಗಿ ಸಮುದ್ರದ ಅಲೆಗಳ ರಭಸಕ್ಕೆ ಮೀನುಗಾರಿಕೆ ನಡೆಸಲು ಸಾಧ್ಯವಾಗದೇ ಕರಾವಳಿಯಾದ್ಯಂತ ಎಲ್ಲ ಬೋಟು ದಡ ಸೇರಿ ಲಂಗರು ಹಾಕುವಂತಾಯಿತು. ಪ್ರತಿಕೂಲ ಹವಾಮಾನ ಹಿನ್ನೆಲೆಯಲ್ಲಿ ಆಳಸಮುದ್ರ ಮೀನುಗಾರಿಕೆಗೆ ತೆರಳದಂತೆ ಜಿಲ್ಲಾಧಿಕಾರಿಗಳು, ಮೀನುಗಾರಿಕೆ ಇಲಾಖೆ ಮೀನುಗಾರರಿಗೆ ಸೂಚನೆಯನ್ನು ನೀಡಿತ್ತು. ಈ ಕಾರಣಗಳಿಂದ ಋತು ಆರಂಭದ 20 ದಿನ ಈಗಾಗಲೇ ಮುಗಿದು ಹೋಗಿದೆ.
ಕಳೆದ ಬಾರಿಗಿಂತ ಈ ಬಾರಿ ಉತ್ತಮ ಮಳೆಯಾಗಿದೆ. ಸಮುದ್ರದ ವಾತಾವರಣ ಬಹುತೇಕ ತಿಳಿಯಾಗಿಯೇ ಇದೆ. ಇದರಿಂದ ಮೀನು ಹೇರಳವಾಗಿ ಸಿಗಬಹುದೆಂಬ ನಿರೀಕ್ಷೆಯಲ್ಲಿ ಮೀನುಗಾರರಿದ್ದಾರೆ. ಇನ್ನು ಮಾರುಕಟ್ಟೆಯಲ್ಲಿಯೂ ತಾಜಾ ಮೀನು ಲಭ್ಯವಾಗಲಿದೆ. ದುಬಾರಿಯಾದ ಮೀನಿನ ದರ ಕಡಿಮೆಯಾಗುವ ನಿರೀಕ್ಷೆ ಇದೆ. ಕೈಕೊಟ್ಟ ಹವಾಮಾನ
ಮೀನುಗಾರಿಕೆ ಆರಂಭವಾಗುವ ಮುನ್ನವೇ ಹವಾಮಾನ ಕೈಕೊಟ್ಟಿದೆ. ಇದರಿಂದ ಸುಮಾರು 20 ದಿನದಿಂದ ಕೆಲಸವಿಲ್ಲದೆ ಆರ್ಥಿಕ ಹೊಡೆತ ಉಂಟಾಗಿತ್ತು. ಇದೀಗ ಮೀನುಗಾರಿಕೆಗೆ ಪೂರಕವಾದ ವಾತಾವರಣ ಇದೆ. ಕಡಲಿಗಿಳಿಯಲು ಸಜ್ಜಾಗಿದ್ದೇವೆೆ.
– ಪ್ರದೀಪ್‌ ಟಿ. ಸುವರ್ಣ, ಬೊಟ್ಟಲ
Related Articles
ಕಳೆದ 10ದಿವಸಗಳಿಂದ ಮೀನುಗಾರಿಕೆ ಸ್ಥಗಿತಗೊಂಡಿತ್ತು. ಇದೀಗ ಸಮುದ್ರ ಕೊಂಚ ಸಹಜ ಸ್ಥಿತಿಗೆ ತಲುಪುತ್ತಿದೆ. ಇದರಿಂದಾಗಿ ಎರಡು ದಿನದಲ್ಲಿ ಸುಮಾರು ಶೇ. 30ರಷ್ಟು ದೋಣಿಗಳು ಕಡಲಿಗಿಳಿದಿವೆ. ನಾಳೆಯಿಂದ ಉಳಿದ ಬೋಟ್‌ಗಳು ಮೀನುಗಾರಿಕೆಗೆ ತೆರಳುವ ಸಾಧ್ಯತೆ ಇದೆ.
– ಸತೀಶ್‌ ಕುಂದರ್‌, ಅಧ್ಯಕ್ಷರು, ಮಲ್ಪೆ ಮೀನುಗಾರರ ಸಂಘ
Advertisement