ಭಾರತ-ದಕ್ಷಿಣ ಆಫ್ರಿಕಾ ಪರಿಷ್ಕೃತ ಕ್ರಿಕೆಟ್‌ ವೇಳಾಪಟ್ಟಿ

ಜೊಹಾನ್ಸ್‌ಬರ್ಗ್‌: ಭಾರತ-ದಕ್ಷಿಣ ಆಫ್ರಿಕಾ ನಡುವಿನ 3 ಟೆಸ್ಟ್‌ ಹಾಗೂ 3 ಏಕದಿನ ಪಂದ್ಯಗಳ ಪರಿಷ್ಕೃತ ವೇಳಾಪಟ್ಟಿ ಬಿಡುಗಡೆಗೊಂಡಿದೆ. ಅದರಂತೆ “ಬಾಕ್ಸಿಂಗ್‌ ಡೇ’ಯಂದು (ಡಿ. 26) ಸೆಂಚುರಿಯನ್‌ನಲ್ಲಿ ಮೊದಲ ಟೆಸ್ಟ್‌ ಆರಂಭವಾಗಲಿದೆ.

ಜ. 2ರಂದು ಮೊದಲ್ಗೊಳ್ಳುವ ನ್ಯೂ ಇಯರ್‌ ಟೆಸ್ಟ್‌ ಆತಿಥ್ಯ ಜೊಹಾನ್ಸ್‌ಬರ್ಗ್‌ ಪಾಲಾಗಿದೆ. ಸಂಪ್ರ ದಾಯದಂತೆ ಈ ಪಂದ್ಯ ಕೇಪ್‌ಟೌನ್‌ನಲ್ಲಿ ನಡೆಯಬೇಕಿತ್ತು. ಪ್ರಯಾಣ ಸಮಸ್ಯೆಯಿಂದ ಇಲ್ಲಿ ಪರಿವರ್ತನೆ ಮಾಡಿಕೊಳ್ಳಲಾಗಿದೆ. ಕೇಪ್‌ಟೌನ್‌ನಲ್ಲಿ ಅಂತಿಮ ಟೆಸ್ಟ್‌ ನಡೆಯಲಿದೆ (ಜ. 11-15). ಏಕದಿನ ಪಂದ್ಯಗಳನ್ನು ಪಾರ್ಲ್ (ಜ. 19 ಮತ್ತು ಜ. 21) ಹಾಗೂ ಕೇಪ್‌ಟೌನ್‌ನಲ್ಲಿ (ಜ. 23) ಆಡಲಾಗುವುದು.

ಇದನ್ನೂ ಓದಿ:ಪಕ್ಷದ ನೂತನ ಕಚೇರಿ ತೆರೆದ ಅಮರೀಂದರ್‌ ಸಿಂಗ್‌

ದಕ್ಷಿಣ ಆಫ್ರಿಕಾದಲ್ಲಿ ಒಮಿಕ್ರಾನ್‌ ಹಾವಳಿ ಕಂಡುಬಂದುದರಿಂದ ವೇಳಾ ಪಟ್ಟಿಯಲ್ಲಿ ಬದಲಾವಣೆ ಸಂಭವಿಸಿದೆ. ಭಾರತ ತಂಡದ ಪ್ರಯಾಣ ಕೂಡ ಒಂದು ವಾರ ವಿಳಂಬಗೊಂಡಿದ್ದು, ಟಿ20 ಸರಣಿಯನ್ನು ಕೈಬಿಡಲಾಗಿದೆ.