ಗೋವೆಯಲ್ಲಿ ಇಳಿದ ಈ ಋತುವಿನ ಮೊದಲ ರಶ್ಯ ಬಾಡಿಗೆ ವಿಮಾನ

ಪಣಜಿ : ಈ ಋತುವಿನ ಮೊದಲ ಬಾಡಿಗೆ ವಿಮಾನ ರಶ್ಯದಿಂದ ಬಂದು ಗೋವೆಯಲ್ಲಿ ಇಳಿಯುವುದರೊಂದಿಗೆ ಈ ವರ್ಷದ ಪ್ರವಾಸೀ ಋತು ಆರಂಭಗೊಂಡಿದೆ. 

ಗೋವೆಗೆ ವರ್ಷಂಪ್ರತಿ ಅಕ್ಟೋಬರ್‌ನಿಂದ ಎಪ್ರಿಲ್‌-ಮೇ ವರೆಗಿನ ಅವಧಿಯಲ್ಲಿ ಗರಿಷ್ಠ ಸಂಖ್ಯೆಯ ವಿದೇಶೀ ಪ್ರವಾಸಿಗರು ಬರುತ್ತಾರೆ. ಗೋವೆಯಲ್ಲಿ ಇಂದು ಇಳಿದ ರಶ್ಯದಿಂದ ಬಂದ ಈ ಋತುವಿನ ಮೊದಲ ರೋಸಿಯಾ ಏರ್‌ ಲೈನ್ಸ್‌ ನ ಬಾಡಿಗೆ ವಿಮಾನದಲ್ಲಿ ಒಟ್ಟು 522 ಪ್ರವಾಸಿಗರು ಇದ್ದರು. 

ರಾಜ್ಯದ ಆರು ಪಟ್ಟು ಅಧಿಕ ಪ್ರವಾಸಿಗರನ್ನು ನಾವು ಪಡೆಯುತ್ತಿದ್ದೇವೆ; ಗೋವೆಗೆ ಬರುತ್ತಿರುವ ದೇಶ – ವಿದೇಶಗಳ ಪ್ರವಾಸಿಗರ ಸಂಖ್ಯೆ ವರ್ಷಂಪ್ರತಿ ಹೆಚ್ಚುತ್ತಲೇ ಇದೆ ಎಂದು ಜಿಟಿಡಿಸಿ ಅಧ್ಯಕ್ಷ ನಿಲೇಶ್‌ ಕಬ್ರಾಲ್‌ ಹೇಳಿದರು. 

ಗೋವೆಯಲ್ಲಿ  ದೇಶ – ವಿದೇಶಗಳ ಪ್ರವಾಸಿಗರ ಸಂಪೂರ್ಣ ಸುರಕ್ಷೆಗೆ ರಾಜ್ಯ ಸರಕಾರ ಹಲವಾರು ಕ್ರಮಗಳನ್ನು ತೆಗೆದುಕೊಂಡಿದೆ. ಕಳೆದ ಪ್ರವಾಸೀ ಋತುವಿನಲ್ಲಿ ಗೋವೆಗೆ 800 ಕ್ಕೂ ಅಧಿಕ ವಿದೇಶಿ ಬಾಡಿಗೆ ವಿಮಾನಗಳು ಬಂದಿದ್ದವು.