ಬೆಂಗಳೂರು:ಕೊಲೆ ಆರೋಪಿಗಳ ಮೇಲೆ ಪೊಲೀಸರಿಂದ ಫೈರಿಂಗ್ 

ಬೆಂಗಳೂರು: ರೌಡಿ ಶೀಟರ್ ರಂಜಿತ್ ಕೊಲೆ ಆರೋಪಿಗಳ ಶೋಧ ಕಾರ್ಯದ ಸಂದರ್ಭದಲ್ಲಿ ದ್ವಿಚಕ್ರ ವಾಹನದಲ್ಲಿ ಇದ್ದ ಇಬ್ಬರು ಆರೋಪಿಗಳು ಪೋಲೀಸರ ಮೇಲೆ ಮಾರಕಾಸ್ತ್ರಗಳಿಂದ ಹಲ್ಲೆ ನಡೆಸಲು ಮುಂದಾದಾಗ ಆತ್ಮ ರಕ್ಷಣೆಗಾಗಿ ಪೊಲೀಸರು ಆರೋಪಿಗಳ ಮೇಲೆ ಫೈರಿಂಗ್ ನಡೆಸಿದ ಘಟನೆ ಬಾಣಸವಾಡಿ ರಾಮ ಮಂದಿರ ವ್ಯಾಪ್ತಿ ಯಲ್ಲಿ ಶುಕ್ರವಾರ ನಸುಕಿನ ಜಾವಾ ನಡೆದಿದೆ. 

ಬೆಂಗಳೂರು ಪೂರ್ವ ವಲಯ ಡಿಸಿಪಿ ಅಜಯ್ ಹಿಲೋರಿ ನೇತೃತ್ವದ ತಂಡ ರೌಡಿ ಶೀಟರ್ ರಂಜಿತ್ ಕೊಲೆ ಆರೋಪಿಗಳ ಪತ್ತೆ ಕಾರ್ಯ ನಡೆಸುತ್ತಿದ್ದ ಸಂದರ್ಭಲ್ಲಿ ಈ  ಘಟನೆ ನಡೆದಿದ್ದು ಘಟನೆಯಲ್ಲಿ ಇಬ್ಬರು ಪೊಲೀಸ್ ಸಿಬಂದಿಗಳಿಗೆ ಗಾಯಗಳಾಗಿದೆ. ಆರೋಪಿಗಳಾದ ಸಂತೋಷ್ ಹಾಗು ಶ್ಯಾಮ್ ಕಾಲಿಗೆ ಗುಂಡು ತಗುಲಿದ್ದು ಸ್ಥಳೀಯ ಆಸ್ಪತ್ರೆಗೆ ದಾಖಲಿಸಲಾಗಿದೆ .