New York ಅಪಾರ್ಟ್‌ಮೆಂಟ್‌ ನಲ್ಲಿ ಬೆಂಕಿ: ಭಾರತ ಮೂಲದ ಪತ್ರಕರ್ತ ಸಾವು

ವಾಷಿಂಗ್ಟನ್‌: ಅಮೆರಿಕದ ನ್ಯೂಯಾರ್ಕ್‌ನ ಅಪಾರ್ಟ್‌ಮೆಂಟ್‌ ಒಂದರಲ್ಲಿ ಲೀಥಿಯಂ ಬ್ಯಾಟರಿ ಸ್ಫೋಟಗೊಂಡು ಸಂಭವಿಸಿದ ಬೆಂಕಿ ಅನಾಹುತದಲ್ಲಿ ಭಾರತ ಮೂಲದ ಪತ್ರಕರ್ತ ಫಾಜಿಲ್‌ ಖಾನ್‌(27) ಮೃತಪಟ್ಟಿದ್ದಾರೆ.

ಘಟನೆಯಲ್ಲಿ ಇನ್ನೂ 17 ಮಂದಿ ಗಾಯಗೊಂಡಿದ್ದಾರೆ. ಜನಪ್ರಿಯ “ದ ಹೆಚಿಂಜರ್‌ ರಿಪೋರ್ಟ್‌’ ಎಂಬ ಸುದ್ದಿಸಂಸ್ಥೆಯಲ್ಲಿ ವರದಿಗಾರನಾಗಿ ಕಾರ್ಯನಿರ್ವಹಿಸುತ್ತಿದ್ದ ಇವರು, ಈ ಮೊದಲು ಭಾರತದಲ್ಲಿಯೇ ನ್ಯೂಸ್‌ 18 ಸಂಸ್ಥೆಯಲ್ಲಿ ಸೇವೆ ಸಲ್ಲಿಸಿದ್ದರು. ಫಾಜಿಲ್‌ ಸಾವಿಗೆ ಹೆಚಿಂಜರ್‌ ಸಂತಾಪ ಸೂಚಿಸಿದೆ. ಇನ್ನು ಫಾಜಿಲ್‌ ಪಾರ್ಥಿವ ಶರೀರವನ್ನು ಭಾರತಕ್ಕೆ ರವಾನಿಸುವ ಕುರಿತು ಸಹಕಾರ ನೀಡುತ್ತಿರುವುದಾಗಿ ನ್ಯೂಯಾರ್ಕ್‌ನ ಭಾರತೀಯ ದೂತಾವಾಸ ಕಚೇರಿ ತಿಳಿಸಿದೆ.