ದೀಪಿಕಾ ವಾಸವಿರುವ ಅಪಾರ್ಟ್‌ಮೆಂಟ್‌ಗೆ ಬೆಂಕಿ

ಮುಂಬೈ: ಬಾಲಿವುಡ್‌ ನಟಿ ದೀಪಿಕಾ ಪಡುಕೋಣೆ ಅವರ ನಿವಾಸ ಮತ್ತು ಕಚೇರಿ ಇರುವ ಇಲ್ಲಿಯ ಪ್ರಭಾದೇವಿ ಪ್ರದೇಶದ ಬಹುಂತಸ್ತಿನ ಅಂತಸ್ತಿನ ಅಪಾರ್ಟ್‌ಮೆಂಟ್‌ನ ಒಂದು ಭಾಗದಲ್ಲಿ ಮಧ್ಯಾಹ್ನ ಬೆಂಕಿ ಕಾಣಿಸಿಕೊಂಡು ಆತಂಕಕ್ಕೆ ಕಾರಣವಾಗಿತ್ತು. ಈ ಅವಘಡದ ವೇಳೆ ದೀಪಿಕಾ ಅಪಾರ್ಟ್‌ಮೆಂಟ್‌ನಲ್ಲಿ ಇರಲಿಲ್ಲ. ಅವರು ಸುರಕ್ಷಿತವಾಗಿದ್ದಾರೆ. ದೀಪಿಕಾರ ಮನೆ ಮತ್ತು ಕಚೇರಿ ಎರಡಕ್ಕೂ ಬೆಂಕಿಯಿಂದ ತೊಂದರೆಯಾಗಿಲ್ಲ ಎಂದು ಮೂಲಗಳು ಹೇಳಿವೆ. ಈ ಕುರಿತು ಸ್ವತಃ ಟ್ವೀಟ್‌ ಮಾಡಿರುವ ದೀಪಿಕಾ “ನಾನು ಸುರಕ್ಷಿತವಾಗಿದ್ದೇನೆ. ಬೆಂಕಿ ನಂದಿಸುವಲ್ಲಿ ನಿರತವಾಗಿರುವ ಅಗ್ನಿ ಶಾಮಕ ದಳದವರಿಗಾಗಿ ಪ್ರಾರ್ಥಿಸೋಣ’ ಎಂದು ಬರೆದಿದ್ದಾರೆ. ಈ ಅಪಾರ್ಟ್‌ಮೆಂಟ್‌ನಲ್ಲಿದ್ದ ಒಟ್ಟು 90 ಮಂದಿಯನ್ನು ಕಟ್ಟಡದಿಂದ ಹೊರತರಲಾಗಿದೆ.