ಮುಂಬಯಿ ಆಸ್ಪತ್ರೆಯಲ್ಲಿ ಭಾರೀ ಬೆಂಕಿ: 1 ಸಾವು, 47 ಮಂದಿಗೆ ಗಾಯ

ಮುಂಬಯಿ : ನಗರ ಹೊರವಲಯದ ಅಂಧೇರಿಯ ಮರೋಳ್‌ ನಲ್ಲಿರುವ ಇಎಸ್‌ಐಸಿ ಕಾಮಗಾರ್‌ ಆಸ್ಪತ್ರೆಯಲ್ಲಿ ಇಂದು ಸಂಜೆ ನಾಲ್ಕು ಗಂಟೆಯ ವೇಳೆಗೆ ಸಂಭವಿಸಿದ ಭಾರೀ ಬೆಂಕಿ ಅವಘಡದಲ್ಲಿ ಓರ್ವ ಮೃತಪಟ್ಟು ಇತರ 47 ಮಂದಿ ಗಾಯಗೊಂಡಿರುವುದಾಗಿ ವರದಿಯಾಗಿದೆ. 

ಬೆಂಕಿ ನಂದಿಸುವ ಮತ್ತು ಸಿಲುಕಿಕೊಂಡಿರುವವರನ್ನು ಪಾರುಗೊಳಿಸುವ ಸಮರೋಪಾದಿಯ ಕಾರ್ಯಾಚರಣೆಯಲ್ಲಿ 19 ಅಗ್ನಿಶಾಮಕಗಳು, ಒಂದು ರಕ್ಷಣಾ ವ್ಯಾನ್‌ ಮತುತ 16 ಅಂಬುಲೆನ್ಸ್‌ಗಳು ತೊಡಗಿಕೊಂಡಿವೆ ಎಂದು ವರದಿಗಳು ತಿಳಿಸಿವೆ.

ಆಸ್ಪತ್ರೆಗೆ ಗಾಯಳುಗಳಾಗಿ ಸೇರಿಸಲ್ಪಟ್ಟಿರುವ 47 ಮಂದಿ ಚಿಕಿತ್ಸೆ ಪಡೆಯುತ್ತಿದ್ದು ಇವರಲ್ಲಿ  ಯಾರಿಗೂ ಪ್ರಾಣಾಪಾಯ ಇಲ್ಲವೆಂದು ವರದಿಯಾಗಿದೆ.