ಮೋದಿ ಟೀಕೆ: ಉತ್ತರ ಪ್ರದೇಶದಲ್ಲಿ ರಮ್ಯಾ ವಿರುದ್ದ ಎಫ್ಐಆರ್‌ ದಾಖಲು 

ಲಕ್ನೋ: ಪ್ರಧಾನಿ ನರೇಂದ್ರ ಮೋದಿ ಅವರನ್ನು ಟೀಕಿಸಿ ಟ್ವೀಟ್‌ ಮಾಡಿದ್ದ ನಟಿ, ಕಾಂಗ್ರೆಸ್‌ ಸಾಮಾಜಿಕ ತಾಣಗಳ ಮುಖ್ಯಸ್ಥೆ ರಮ್ಯಾ ವಿರುದ್ಧ ಉತ್ತರ ಪ್ರದೇಶದಲ್ಲಿ ಎಫ್ಐಆರ್‌ ದಾಖಲಾಗಿದೆ. 

ವಕೀಲ ಮತ್ತು ಸಾಮಾಜಿಕ ಕಾರ್ಯಕರ್ತ ಸಯ್ಯದ್‌ ಎನ್ನುವವರು ಗೋಮತಿ ಠಾಣೆಗೆ ದೂರು ನೀಡಿದ್ದು,ಮಾಹಿತಿ ತಂತ್ರಜ್ಞಾನ ಕಾಯಿದೆ ಅಡಿಯಲ್ಲಿ ಪ್ರಕರಣ ದಾಖಲಾಗಿದೆ. ರಮ್ಯಾ ಪ್ರಧಾನಿ ವಿರುದ್ಧ ದ್ವೇಷ ಕಾರಿದ್ದಾರೆ, ಅವರ ವಿರುದ್ದ ಕ್ರಮ ಕೈಗೊಳ್ಳಬೇಕು ಎಂದು ರಿಜ್ವಾನ್‌ ಮನವಿ ಮಾಡಿದ್ದಾರೆ. 

ರಫೇಲ್‌ ಒಪ್ಪಂದದ ವಿಚಾರದಲ್ಲಿ ರಮ್ಯಾ ಅವರು ಮೋದಿ ಅವರ ಮೇಣದ ಪ್ರತಿಮೆ ಎದುರಿಗಿದ್ದ ಫೋಟೋ ಟ್ವೀಟ್‌ ಮಾಡಿ ಚೋರ್‌ ಪಿಎಮ್‌ ಚುಪ್‌ ಹೇ ಎಂದು ಬರೆದಿದ್ದರು.