ಥಾಯ್ಲಂಡ್‌ ಗುಹೆ ಬಂದಿ ಕಾರ್ಯಾಚರಣೆ: ಇನ್ನೂ ಮೂರು ಬಾಲಕರ ರಕ್ಷಣೆ

ಬ್ಯಾಂಕಾಕ್‌: ಥಾಯ್ಲಂಡ್‌ ಗುಹೆಯೊಳಗೆ ಬಂದಿಯಾಗಿರುವ 12 ಮಂದಿ ಬಾಲಕರು ಮತ್ತು ಅವರ ಕೋಚ್‌ ಪೈಕಿ ಇಂದು ಸೋಮವಾರ ಇನ್ನೂ ಮೂರು ಬಾಲಕರನ್ನು ರಕ್ಷಿಸಲಾಗಿದ್ದು ಇದರೊಂದಿಗೆ‌ ಈ ವರೆಗೆ ಗುಹೆಯಿಂದ ಹೊರ ತರಲಾಗಿರುವ ಬಾಲಕರ ಸಂಖ್ಯೆ 7ಕ್ಕೇರಿದೆ. 

ನಿನ್ನೆ  ಭಾನುವಾರ ನಾಲ್ಕು ಬಾಲಕರನ್ನು ರಕ್ಷಣಾ ತಂಡ ಹರಸಾಹಸ ಪಟ್ಟು ರಕ್ಷಿಸಿತ್ತು. ಆಸ್ಪತ್ರೆಗೆ ದಾಖಲಾಗಿ ಚಿಕಿತ್ಸೆ ಪಡೆಯುತ್ತಿರುವ ಅವರ ದೇಹಾರೋಗ್ಯ ಸಾಕಷ್ಟು ಸುಧಾರಿಸಿದೆ. ಇಂದು ಇನ್ನೂ ಮೂರು ಬಾಲಕರ ರಕ್ಷಣೆ ಸಾಧ್ಯವಾಯಿತು ಎಂದು ನೌಕಾ ಪಡೆ ಅಧಿಕಾರಿಯೋರ್ವರು ತಿಳಿಸಿದ್ದಾರೆ. 

ಬಾಲಕರ ರಕ್ಷಣಾ ಕಾರ್ಯಾಚರಣೆಯಲ್ಲಿ ಹದಿಮೂರು ವಿದೇಶಿ ಡೈವರ್‌ಗಳು, ಐವರು ಥಾಯ್ಲಂಡ್‌ನ‌ ಉನ್ನತ ನೇವಿ ಸೀಲ್‌ ತಂಡದವರು ಇದ್ದಾರೆ. ಇಂದಿನ ರಕ್ಷಣಾ ಕಾರ್ಯಾಚರಣೆ ಬೆಳಗ್ಗೆ 11 ಗಂಟೆಗೆ ಆರಂಭವಾಗಿತ್ತು.