Advertisement
ಇತ್ತೀಚೆಗಷ್ಟೇ ಅಫ್ಘಾನಿಸ್ಥಾನದ ವಿರುದ್ಧ ಸೌದಿ ಅರೇಬಿಯಾದಲ್ಲಿ ನಡೆದ ಪಂದ್ಯದಲ್ಲಿ ಭಾರತ ಗೋಲುರಹಿತ ಡ್ರಾ ಸಾಧಿಸಿತ್ತು. ಇದು ತಂಡಕ್ಕೆ ಹಿನ್ನಡೆಯಾಗಿ ಪರಿಣಮಿಸಿತ್ತು. ಮಂಗಳವಾರ ಭಾರತ ಗೆದ್ದರೆ, ವಿಶ್ವಕಪ್ ಅರ್ಹತಾ ಸುತ್ತಿನ 3ನೇ ಘಟ್ಟಕ್ಕೇರಲು ಅನುಕೂಲವಾಗಲಿದೆ. ಇದರಿಂದ ಏಷ್ಯಾ ಕಪ್‌ಗೂ ಅರ್ಹತೆ ಸಾಧಿಸುವ ಅವಕಾಶವಿದೆ.
ಸದ್ಯ ವಿಶ್ವಕಪ್ ಅರ್ಹತಾ ಸುತ್ತಿನ “ಎ’ ಗುಂಪಿನಲ್ಲಿ 4 ಅಂಕ ಗಳಿ ಸಿರುವ ಭಾರತ 2ನೇ ಸ್ಥಾನದಲ್ಲಿದೆ. ತಂಡಕ್ಕೆ ಇನ್ನೂ 3 ಪಂದ್ಯ ಬಾಕಿ ಯಿದೆ. ಅಫ್ಘಾನಿಸ್ಥಾನ, ಕುವೈತ್‌ (ಜೂ. 6), ಕತಾರ್‌ (ಜೂ. 11) ವಿರುದ್ಧ ಉತ್ತಮ ಪ್ರದರ್ಶನ ನೀಡಿ 4 ಅಂಕ ಸಂಪಾದಿಸಿದರೆ, ವಿಶ್ವಕಪ್ ಅರ್ಹತಾ ಸುತ್ತಿನ 3ನೇ ಘಟ್ಟಕ್ಕೇರಬಹುದು. ಇದು ಸಾಧ್ಯವಾಗ ಬೇಕಾದರೆ ಅಫ್ಘಾನ್‌ ವಿರುದ್ಧ ಗೆಲ್ಲಲೇಬೇಕು. ಏಕೆಂದರೆ ಮುಂದೆ ಭಾರತ ಎದುರಿಸಲಿರುವ ಎರಡೂ ತಂಡಗಳು ಬಹಳ ಬಲಿಷ್ಠವಾಗಿವೆ.