ಫಿಫಾ ರ್‍ಯಾಂಕಿಂಗ್‌: 99ನೇ ರ್‍ಯಾಂಕಿನಲ್ಲಿ ಭಾರತ

ಹೊಸದಿಲ್ಲಿ: ಭಾರತೀಯ ಪುರುಷರ ಫುಟ್‌ಬಾಲ್‌ ತಂಡವು 2018ರ ಬಳಿಕ ಇದೇ ಮೊದಲ ಬಾರಿ ಫಿಫಾ ರ್‍ಯಾಂಕಿಂಗ್‌ನಲ್ಲಿ 100ರ ಒಳಗಿನ ರ್‍ಯಾಂಕ್‌ ಪಡೆಯಲು ಯಶಸ್ವಿಯಾಗಿದೆ.

ಸಾಫ್ ಚಾಂಪಿಯನ್‌ಶಿಪ್‌ ಪ್ರಶಸ್ತಿ ಗೆದ್ದಿರುವ ಭಾರತ ಒಂದು ಸ್ಥಾನ ಮೇಲಕ್ಕೇರಿ 99ನೇ ಸ್ಥಾನ ಪಡೆಯಿತು. ಫಿಫಾ ರ್‍ಯಾಂಕಿಂಗ್‌ನಲ್ಲಿ 94ನೇ ಸ್ಥಾನ ಪಡೆದಿರುವುದು ಭಾರತದ ಅತ್ಯುತ್ತಮ ಸಾಧನೆಯಾಗಿದೆ. 199ರಲ್ಲಿ ಭಾರತ ಈ ಸಾಧನೆ ಮಾಡಿತ್ತು. 1993ರಲ್ಲಿ ಭಾರತ 99ನೇ ಸ್ಥಾನ ಪಡೆದಿದ್ದರೆ 2017 ಮತ್ತು 2018ರಲ್ಲಿ 96ನೇ ಸ್ಥಾನ ಗಳಿಸಿತ್ತು.