Brazil ಭೀಕರ ಪ್ರವಾಹ: 136ಕ್ಕೂ ಹೆಚ್ಚು ಸಾವು

ಬ್ರೆಜಿಲಿಯಾ: ಪ್ರವಾಹಕ್ಕೆ ತುತ್ತಾಗಿರುವ ದಕ್ಷಿಣ ಬ್ರೆಜಿಲ್‌ನಲ್ಲಿ ಭಾನುವಾರದ ವೇಳೆಗೆ 136ಕ್ಕೂ ಹೆಚ್ಚು ಜನರು ಮೃತಪಟ್ಟು 756ಕ್ಕೂ ಹೆಚ್ಚು ಮಂದಿ ಗಾಯಗೊಂಡಿದ್ದಾರೆ. ಬ್ರೆಜಿಲ್‌ನ ರಿಯೋ ಗ್ರಾಂಡೆ ಡೊ ಸುಲ್‌ ಪ್ರಾಂತದಲ್ಲಿ ಕಳೆದ ವಾರ ಸುರಿದ ಮಳೆಯಿಂದಾಗಿ ನದಿಗಳು ತುಂಬಿ ಹರಿಯುತ್ತಿವೆ. ಮಳೆ ಪ್ರಕೋಪಕ್ಕೆ 125 ಮಂದಿ ಕಾಣೆಯಾಗಿದ್ದು, 4,10,000ದಷ್ಟು ಜನರನ್ನು ಸ್ಥಳಾಂತರ ಮಾಡಲಾಗಿದೆ. 92 ಸಾವಿರ ಮಂದಿಯ ಮನೆ ಹಾನಿಯಾಗಿದೆ. ಸೋಮವಾರದವರೆಗೂ ಮಳೆ ಮುಂದುವರಿಯಲಿದೆ ಎಂದು ಬ್ರೆಜಿಲ್‌ ಹವಾಮಾನ ಇಲಾಖೆ ಎಚ್ಚರಿಕೆ ನೀಡಿದೆ.