Advertisement
2009ರಲ್ಲಿ ಫ್ರೆಂಚ್ ಓಪನ್ ಪ್ರಶಸ್ತಿ ಜಯಿಸಿದ್ದ ಫೆಡರರ್ 2015ರ ಬಳಿಕ ಈ ಟೂರ್ನಿಯಲ್ಲಿ ಸ್ಪರ್ಧಿಸಲಿರಲಿಲ್ಲ. ಗಾಯದಿಂದಾಗಿ 2016ರ ಟೂರ್ನಿಯಿಂದ ಹಿಂದೆ ಸರಿದಿದ್ದ ಫೆಡರರ್, ಅನಂತರದ 2 ಟೂರ್ನಿಗಳಿಂದಲೂ ದೂರ ಉಳಿದಿದ್ದರು.
ಆಸ್ಟ್ರೇಲಿಯನ್ ಓಪನ್ ಟೂರ್ನಿಯ ರವಿವಾರ ಪಂದ್ಯದಲ್ಲಿ ಫೆಡರರ್ ಗ್ರೀಕ್ನ ಸ್ಟೆಫನಸ್ ಸಿಸಿಪಸ್ ವಿರುದ್ದ ಪರಾಭವಗೊಂಡಿದ್ದರು. ಈ ಸೋಲಿನಿಂದಾಗಿ ಅವರು ನೂತನ ರ್ಯಾಂಕಿಂಗ್ನಲ್ಲಿ ಅಗ್ರ 5 ಆಟಗಾರರ ಪಟ್ಟಿಯಿಂದ ಹೊರಹೋಗಲಿದ್ದು, 6ನೇ ಸ್ಥಾನಕ್ಕೆ ಇಳಿಯಲಿದ್ದಾರೆ. ಸದ್ಯ 4ನೇ ಸ್ಥಾನದಲ್ಲಿರುವ ಅಲೆಕ್ಸಾಂಡರ್ ಜ್ವೆರೇವ್ 3ನೇ ಸ್ಥಾನಕ್ಕೇರಲಿದ್ದು, ಮಾರ್ಟಿನ್ ಡೆಲ್ ಪೆಟ್ರೊ 4ನೇ ಸ್ಥಾನ ಹಾಗೂ ಕೆವಿನ್ ಆ್ಯಂರ್ಡಸನ್ 5ನೇ ಸ್ಥಾನ ಪಡೆಯಲಿದ್ದಾರೆ.ಒಂದು ವೇಳೆ ಜಪಾನಿನ ಟೆನಿಸಿಗ ಕೀ ನಿಶಿಕೊರಿ ಆಸ್ಟ್ರೇಲಿಯನ್ ಓಪನ್ ಫೈನಲ್ ಪ್ರವೇಶಿಸಿದರೆ ಫೆಡರರ್ 7ನೇ ಸ್ಥಾನಕ್ಕಿಳಿಯಲಿದ್ದಾರೆ.