ಇಂದಿನ ಗ್ರಹಬಲ: ಈ ರಾಶಿಯವರಿಗಿಂದು ಹಿತಶತ್ರು ಬಾಧೆ ಕಂಡು ಬರಲಿದೆ

01-02-2021

ಮೇಷ: ಅನ್ಯ ಕಾರ್ಯ ನಿಮಿತ್ತ ಸಂಚಾರ ತೋರಿ ಬಂದೀತು. ಆರ್ಥಿಕವಾಗಿ ಹಣವು ನೀರಿನಂತೆ ಸೋರಿ ಹೋಗಲಿದೆ. ಪಾಲು ಪಂಚಾಯತಿಗಾಗಿ ಸೋದರರೊಳಗೆ ಮನಸ್ತಾಪ ಕಂಡುಬಂದೀತು. ನ್ಯಾಯಾಲಯದಲ್ಲಿ ಸೋಲಿನ ಹತಾಶೆ.

ವೃಷಭ: ಕ್ರೀಡಾ ವಿಹಾರಿಗಳಿಗೆ ಸೂಕ್ತ ಪ್ರಾತಿನಿಧ್ಯ ದೊರಕಿ ಯಶಸ್ಸಿನ ಹಾದಿ ಸುಗಮವಾದೀತು. ಧಾರ್ಮಿಕ ಕಾರ್ಯಗಳು, ದೇವತಾ ಕಾರ್ಯಗಳು ನಡೆದು ಸಂತಸ ತರಲಿದೆ. ಗೃಹಾಲಂಕಾರ ವಸ್ತುಗಳಿಂದ ಮನೆಯ ಅಂದ ಹೆಚ್ಚಲಿದೆ.

ಮಿಥುನ:ಆಗಾಗ ಆರೋಗ್ಯಭಾಗ್ಯವು ಕೆಡಲಿದೆ. ಜಾಗ್ರತೆ ಇರಲಿ. ವಿದ್ಯಾರ್ಥಿಗಳಿಗೆ ವಿದ್ಯಾರ್ಜನೆಯಲ್ಲಿ ಪ್ರೇಮ ಪ್ರಸಂಗ ಒಂದು ತಳಕು ಹಾಕಲಿದೆ. ಸೂಕ್ತ ನಿರ್ಧಾರದಿಂದ ಶ್ರೇಯಸ್ಸಿದೆ. ಸರಕಾರೀ ಉದ್ಯೋಗದವರಿಗೆ ಮುಂಭಡ್ತಿ ಯೋಗ.

ಕರ್ಕ: ಅನಿರೀಕ್ಷಿತ ಆದಾಯದ ಮೂಲವೊಂದು ಕಂಡುಬರಲಿದೆ. ಉಚ್ಚ ವ್ಯಾಸಂಗಕ್ಕಾಗಿ ವಿದ್ಯಾರ್ಥಿಗಳಿಗೆ ವಿದ್ಯಾ ಯಾನ ಸಂಭವವಿದೆ. ಮೂಲ ಆಸಿ ಪಾಸ್ತಿಗಾಗಿ ಕೋರ್ಟಿಗೆ ಹೋಗಬೇಕಾದೀತು. ತೋಟದ ಬೆಳೆಯಿಂದ ಲಾಭವಿದೆ.

ಸಿಂಹ: ಸ್ಥಗಿತಗೊಂಡ ಕೆಲಸಕಾರ್ಯಗಳು ಪುನರಾರಂಭಗೊಳ್ಳಲಿವೆ. ಸಾಂಸಾರಿಕವಾಗಿ ಬಂಧುಮಿತ್ರರ ಸಹಕಾರ ಸಿಗಲಿದೆ. ದೇವತಾ ಕಾರ್ಯ, ಮಂಗಲಮಯ ವಾತಾವರಣ ಸೃಷ್ಟಿಸಿಲಿದೆ. ಹಿತಶತ್ರು ಬಾಧೆ ಕಂಡು ಬರಲಿದೆ.

ಕನ್ಯಾ: ಕೆಲಸ ಕಾರ್ಯಗಳಲ್ಲಿ ಆಶಾಭಂಗವಾದೀತು. ಜನ ಮೆಚ್ಚುವ ಕೆಲಸದಿಂದ ಪ್ರಶಂಸೆ ದೊರಕಲಿದೆ. ನಿರಂತರ ಆದಾಯದಿಂದ ಕಾರ್ಯಸಾಧನೆಯಾದೀತು. ರಾಜಕೀಯದವರಿಗೆ ಸ್ಥಾನಮಾನವು ಲಭಿಸಿ ಸಂತೋಷ.

ತುಲಾ: ಆದಾಯ, ತೆರಿಗೆಗಳ ಸಮಸ್ಯೆಯು ಹೆಚ್ಚಲಿದೆ. ಗೃಹಿಣಿಗೆ ಉದರವ್ಯಾಧಿ ಕಂಡು ಬಂದೀತು. ತೋಟಗಾರಿಕೆ ಗಾಗಿ ಹಣ ಹೂಡಿಕೆ ಅಥವಾ ಷೇರು ಮಾರ್ಕೆಟ್‌ನಲ್ಲಿ ಸಂಪತ್ತು ಚಲಾವಣೆಯಾದೀತು. ಮಿತ್ರರಿಂದ ಹರುಷ.

ವೃಶ್ಚಿಕ: ಮದುವೆ ಸಂಬಂಧಿ ಪ್ರಸ್ತಾವಗಳು ಬಂದಾವು. ಕಾರ್ಯರಂಗದಲ್ಲಿ ನೂತನ ಕಾರ್ಯನಿರ್ವಹಣ ಜವಾಬಾœರಿ ಹೆಚ್ಚಲಿದೆ. ಬಂಧುಗಳ ಆಗಮನದಿಂದ ಮನೆಯಲ್ಲಿ ಹರುಷವಿದೆ. ಆರೋಗ್ಯ ಜಾಗ್ರತೆ.

ಧನು: ವಿದ್ಯಾರ್ಥಿಗಳಿಗೆ ಅಭ್ಯಾಸದಲ್ಲಿ ಉದಾಸೀನತೆ ಕಂಡು ಬಂದೀತು. ಬರಲೇಬೇಕಾದ ಹಣವು ತೊಂದರೆ ಕೊಟ್ಟಿàತು. ಹಲವು ಸಮಯದಿಂದ ಕಾದಿದ್ದ ಕೆಲಸವು ಈಗ ನೆರವೇರಲಿದೆ. ಒಂದೊಂದಾಗಿ ಆಸೆಗಳು ಈಡೇರಲಿರುವುವು.

ಮಕರ: ವಿದ್ಯಾಭ್ಯಾಸದಲ್ಲಿ ನಿಮ್ಮ ಎಣಿಕೆಯಂತೆ ಪ್ರಗತಿ ಕಂಡು ಬಾರದು. ಆರೋಗ್ಯವು ಕೊಂಚ ಕೈಕೊಟ್ಟರೂ ನಿಧಾನವಾಗಿ ಸರಿಯಾಗಲಿದೆ. ವೃತ್ತಿಯಲ್ಲಿ ಕ್ಷೇಶ ಹೆಚ್ಚು. ಕಾರ್ಯಕ್ಷೇತ್ರದಲ್ಲಿ ಹೆಚ್ಚಿನ ಪ್ರಗತಿಯು ಕಂಡು ಬಾರದು.

ಕುಂಭ: ನಿಮ್ಮ ಪಾಲಿಗೆ ಸುಖ- ದುಃಖ, ಶುಭಾಶುಭ, ಲಾಭ- ನಷ್ಟಗಳ ಸಮ್ಮಿಶ್ರಣವೆನಿಸಲಿದೆ. ಆರೋಗ್ಯದಲ್ಲಿ ಸುಧಾರಣೆ ಕಂಡು ಬರುವುದು. ಉದರವ್ಯಾಧಿ, ಪಿತ್ತಪ್ರಕೋಪಗಳು ಕಂಡು ಬರುವುವು. ಮನದನ್ನೆಯ ಮಾತಿನಿಂದ ಹಿತ.

ಮೀನ: ಹಿರಿಯರ ಬುದ್ಧಿಮಾತು ಕೇಳಲು ನಿಮಗೆ ಮನಸ್ಸು ಇಲ್ಲದಿರಬಹುದು. ಆದರೂ ಧನಾಭಿವೃದ್ಧಿ ಇರುತ್ತದೆ. ವ್ಯವಹಾರ ಸರಿದೂಗಿಸಲು ಹಣದ ಮುಗ್ಗಟ್ಟು ಕಂಡು ಬರುವುದು. ಮಕ್ಕಳಿಗೆ ಪ್ರವಾಸದಿಂದ ಸಂತಸ.

ಎನ್‌.ಎಸ್‌. ಭಟ್‌