ಎಫ್ಡಿಐ ಶೇ.3 ಹೆಚ್ಚಳ

ಹೊಸದಿಲ್ಲಿ: ದೇಶದಲ್ಲಿ ಉದ್ದಿಮೆಗೆ ಉತ್ತೇಜನ ಹಾಗೂ ನಿಯಮಾವಳಿಗಳ ಸಡಿಲಿಕೆಯಿಂದಾಗಿ 2017-18ರಲ್ಲಿ ವಿದೇಶಿ ನೇರ ಬಂಡವಾಳ(ಎಫ್ಡಿಐ) ಹೂಡಿಕೆ ಪ್ರಮಾಣವು ಶೇ.3ರಷ್ಟು ಹೆಚ್ಚಳವಾಗಿದೆ ಎಂದು ಸರಕಾರ ಮಾಹಿತಿ ನೀಡಿದೆ. ಹಿಂದಿನ ವಿತ್ತೀಯ ವರ್ಷದಲ್ಲಿ ಎಫ್ಡಿಐ ಹರಿವು 60 ಶತಕೋಟಿ ಡಾಲರ್‌ ಆಗಿದ್ದರೆ, 2017-18ರಲ್ಲಿ ಇದು 61.96 ಶತಕೋಟಿ ಡಾಲರ್‌ ಆಗಿದೆ. ಪ್ರಧಾನಿ ಮೋದಿ ನೇತೃತ್ವದ ಸರಕಾರದ 4 ವರ್ಷಗಳ ಅವಧಿಯಲ್ಲಿ ವಿದೇಶಿ ಹೂಡಿಕೆ 222.75 ಶತಕೋಟಿ ಡಾಲರ್‌ಗೆ ಜಿಗಿದಿದೆ. ಅದಕ್ಕೂ ಮೊದಲಿನ 4 ವರ್ಷ ಇದು 152 ಶತಕೋಟಿ ಡಾಲರ್‌ ಆಗಿತ್ತು ಎಂದು ಕೈಗಾರಿಕಾ ನೀತಿ ಮತ್ತು ಉತ್ತೇಜನಾ ಇಲಾಖೆ ಕಾರ್ಯದರ್ಶಿ ರಮೇಶ್‌ ಅಭಿಶೇಕ್‌  ತಿಳಿಸಿದ್ದಾರೆ.