ಸಿಂಧೂರ ಹಚ್ಚಿಕೊಂಡಿದ್ದಕ್ಕೆ ಫ‌ತ್ವಾ

ಹೊಸದಿಲ್ಲಿ: ಸಂಸತ್ತಿಗೆ ಸಿಂಧೂರ ಹಾಗೂ ಮಂಗಳಸೂತ್ರ ಧರಿಸಿ ಬಂದಿದ್ದಕ್ಕೆ ಪಶ್ಚಿಮ ಬಂಗಾಲದ ಟಿಎಂಸಿ ಸಂಸದೆ ನುಸ್ರತ್‌ ಜಹಾನ್‌ ವಿರುದ್ಧ ದೇವ್‌ಬಂದ್‌ ಮೌಲ್ವಿಗಳು ಫ‌ತ್ವಾ ಹೊರಡಿಸಿದ್ದಾರೆ.

ಮುಸ್ಲಿಂ ಮಹಿಳೆಯು ಅನ್ಯ ಧರ್ಮೀಯರನ್ನು ವಿವಾಹವಾಗುವಂತಿಲ್ಲ. ಮುಸ್ಲಿಮರನ್ನೇ ವಿವಾಹವಾಗಬೇಕು. ಮುಸ್ಲಿಂ ಮಹಿಳೆಯು ಸಿಂಧೂರ ಹಚ್ಚಿಕೊಳ್ಳುವುದು, ಮಂಗಳಸೂತ್ರ ಧರಿಸುವುದು ಹರಾಮ್‌ ಎಂದು ಮೌಲ್ವಿ ಮುಫ್ತಿ ಅಸಾದ್‌ ವಾಸ್ಮಿ ಹೇಳಿದ್ದಾರೆ.

ಸಂಸದೆಯಾಗಿ ಆಯ್ಕೆಯಾದ ಕೆಲವೇ ದಿನಗಳಲ್ಲಿ ನುಸ್ರತ್‌ ಜಹಾನ್‌ ಜೈನ ಧರ್ಮದ ವ್ಯಕ್ತಿಯನ್ನು ವಿವಾಹ ವಾಗಿದ್ದು, ಸಿಂಧೂರ ಧರಿಸಿ ಸಂಸತ್ತಿಗೆ ಆಗಮಿಸಿ ಪ್ರಮಾಣ ವಚನ ಸ್ವೀಕರಿಸಿದ್ದು ಗಮನ ಸೆಳೆದಿತ್ತು. ಈ ಮಧ್ಯೆ ನುಸ್ರತ್‌ ಬೆಂಬಲಕ್ಕೆ ನಿಂತ ಬಿಜೆಪಿ ನಾಯಕಿ ಸಾಧ್ವಿ ಪ್ರಾಚಿ, ಮುಸ್ಲಿಂ ಮಹಿಳೆಯು ಸಿಂಧೂರ ಹಚ್ಚಿಕೊಳ್ಳುವುದನ್ನು ಹರಾಮ್‌ ಎನ್ನುತ್ತೀರಿ. ಆದರೆ ಹಲವು ಮುಸ್ಲಿಂ ಪುರು ಷರು ನಮ್ಮ ಹಿಂದೂ ಹುಡುಗಿಯರನ್ನು ಲವ್‌ ಜಿಹಾದ್‌ ಹೆಸರಿನಲ್ಲಿ ಬಲೆಗೆ ಬೀಳಿಸಿ, ಅವರಿಗೆ ಬುರ್ಖಾ ಹಾಕಿಸುತ್ತಾರೆ. ಅದನ್ನು ಹರಾಮ್‌ ಎನ್ನುವುದಿಲ್ಲವೇ ಎಂದು ಪ್ರಶ್ನಿಸಿದ್ದಾರೆ.