ಜೈಪುರ : ತಾವು ಪ್ರೀತಿಸಿದ ಹುಡುಗಿಗಾಗಿ ಏನು ಬೇಕಾದರೂ ಮಾಡಲು ಹುಡುಗರು ಸಿದ್ಧರಿರುತ್ತಾರೆ. ಮದುವೆ ನಂತರ ಹೆಂಡತಿಯನ್ನು ತುಂಬಾ ಚೆನ್ನಾಗಿ ನೋಡಿಕೊಳ್ಳಬೇಕು ಎಂದು ಬಹುಪಾಲು ಎಲ್ಲಾ ಹುಡುಗರು ಆಸೆ ಪಡುತ್ತಾರೆ. ಆದ್ರೆ ಇಲ್ಲೊಬ್ಬ ವರ ತನಗೆ ಮಡದಿಯಾಗುವವಳ ಕನಸನ್ನು ನನಸು ಮಾಡಲು ಬರೋಬ್ಬರಿ 7 ಲಕ್ಷ ಖರ್ಚು ಮಡಿದ್ದಾನೆ.
ಹೌದು ರಾಜಸ್ಥಾನದ ಸಿಯಾರಾಮ್ ಗುರ್ಜರ್ ಎಂಬ ವ್ಯಕ್ತಿ ತಾನು ಮದುವೆಯಾದ ರಾಮಾ ಎಂಬ ತನ್ನ ಹೆಂಡತಿಯನ್ನು ಹೆಲಿಕ್ಯಾಪ್ಟರ್ ಮೂಲಕ ತನ್ನ ಮನೆಗೆ ಕರೆತರುವ ಮೂಲಕ ಎಲ್ಲರ ಗಮನ ಸೆಳೆದಿದ್ದಾರೆ.
ಸಿಯಾರಾಮ್ ಗುರ್ಜರ್ ಭರತ್ ಪುರ ಜಿಲ್ಲೆಯ ವೈರ್ ಸಬ್ ಬ್ಲಾಕ್ ನ ರಾಯ್‍ಪುರ ಗ್ರಾಮದ ನಿವಾಸಿಯಾಗಿದ್ದು, ತನ್ನ ಮದುವೆ ಸಮಾರಂಭದ ಬಳಿಕ ವಧುವನ್ನು ಹೆಲಿಕಾಪ್ಟರ್ ಮೂಲಕ ಮನೆಗೆ ಕರೆತಂದಿದ್ದಾನೆ.
ಮಡದಿಯು ತಾನು ಮದುವೆಯಾದ ಮೇಲೆ ಹೆಲಿಕ್ಯಾಪ್ಟರ್ ನಲ್ಲಿ ಹೋಗಬೇಕು ಎಂದು ಆಸೆ ಇತ್ತಂತೆ. ಈ ಆಸೆಯನ್ನು ಈಡೇರಿಸಿದ ಸಿಯಾರಾಮ್ ಮಡದಿ ರಾಮಾ ಅವರ ತಮ್ಮ ಹಳ್ಳಿಗೆ ಹೆಲಿಕ್ಯಾಪ್ಟರ್ ಮೂಲಕ ಕರೆ ತಂದಿದ್ದಾರೆ.
ರೈತನ ಮಗನಾಗಿರುವ ಗುರ್ಜರ್ ತನ್ನ ಸಹೋದರ ಕರ್ತಾರ್ ಸಿಂಗ್ ಮತ್ತು ಸೋದರ ಮಾವ ರಾಮ್ ಪ್ರಸಾದ್ ಅವರೊಂದಿಗೆ ಚಾಪರ್‍ಗೆ ಹತ್ತಿದ್ದಾನೆ. ಟೇಕ್-ಆಫ್ ಸಮಯದಲ್ಲಿ ಹೆಲಿಕಾಪ್ಟರ್ ನೋಡಲು ಜನರ ದಂಡೇ ಜಮಾಯಿಸಿತ್ತು. ಕೋವಿಡ್ ವೈರಸ್ ಹಿನ್ನೆಲೆಯಲ್ಲಿ ಮಾರ್ಗಸೂಚಿಯನ್ನು ಉಲ್ಲಂಘಿಸದಂತೆ ನೋಡಿಕೊಳ್ಳಲು ಪೊಲೀಸರು ಸ್ಥಳದಲ್ಲಿದ್ದರು.
ಒಟ್ಟಾರೆ ಸಿಯಾರಾಮ್ ಗುರ್ಜರ್ ತನ್ನ ಹೆಂಡತಿಯ ಆಸೆಯನ್ನು ಈಡೇರಿಸುವ ಸಲುವಾಗಿ ಬರೋಬ್ಬರಿ ಏಳು ಲಕ್ಷ ಖರ್ಚು ಮಾಡಿಹೆಲಿಕ್ಯಾಪ್ಟರ್ ಬಾಡಿಗೆಗೆ ತಂದಿರುವುದು ಎಲ್ಲರ ಗಮನ ಸೆಳೆದಿದೆ.
