Farmers Protest: ಇಂದು ಪಂಜಾಬ್‌ನಲ್ಲಿ ಕೇಂದ್ರದ ವಿರುದ್ಧ ರೈತರ “ರೈಲು ತಡೆ’ ಪ್ರತಿಭಟನೆ

ಚಂಡೀಗಢ: ಎಂಎಸ್‌ಪಿಗೆ ಕಾನೂನು ಖಾತರಿ ಸೇರಿ ಹಲವು ಬೇಡಿಕೆಗಳನ್ನು ಈಡೇರಿಸಲು ಆಗ್ರಹಿಸಿ ಕೇಂದ್ರ ಸರಕಾರ‌ದ ವಿರುದ್ಧ ಪ್ರತಿಭಟಿಸುತ್ತಿರುವ ರೈತರು ಬುಧವಾರ ಪಂಜಾಬ್‌ನಲ್ಲಿ “ರೈಲು ರೋಕೋ’ ನಡೆಸುವುದಾಗಿ ಘೋಷಿಸಿದ್ದಾರೆ.

ಶಂಭು ಗಡಿಯಿಂದ 101 ರೈತರು ದಿಲ್ಲಿಗೆ ಜಾಥಾ ಹೊರಟಿದ್ದನ್ನು ತಡೆಯಲು ಪೊಲೀಸರು ಅಶ್ರುವಾಯು ಪ್ರಯೋಗಿಸಿ, ಅದರಿಂದ ರೈತರು ಗಾಯಗೊಂಡ ಬಳಿಕ ರೈತ ನಾಯಕ ಸರ್ವನ್‌ ಸಿಂಗ್‌ ಪಂಧೇರ್‌ ಜಾಥಾವನ್ನು ಹಿಂಪಡೆದಿದ್ದರು. ಆದರೆ ಪ್ರತಿಭಟನೆಯ ಭಾಗವಾಗಿ ರೈಲು ರೋಕೋ ನಡೆ­ಸುವುದಾಗಿ ಘೋಷಿಸಿದ್ದರು.

ಅದರಂತೆ ಮಂಗಳ­ವಾರ ಪಂಜಾಬ್‌ನ ರೈತರು ಹಾಗೂ ಸಾರ್ವಜನಿಕರಿಗೆ ರೈಲು ತಡೆಗೆ ಕರೆ ನೀಡಿರುವ ಪಂಧೇರ್‌ ” ಬುಧವಾರ ಮಧ್ಯಾಹ್ನ 12 ಗಂಟೆಯಿಂದ 3 ಗಂಟೆವರೆಗೆ ರೈಲುಗಳನ್ನು ತಡೆಯಿರಿ’ ಎಂದಿದ್ದಾರೆ.