ಜೋಡಿ ಹಕ್ಕಿ ಫರ್ಹಾನ್ ಅಖ್ತರ್- ಶಿಬಾನಿ ದಾಂಡೇಕರ್ ವಿವಾಹ ಸಂಭ್ರಮ

ಮುಂಬಯಿ: ಬಾಲಿವುಡ್ ನಟ-ನಿರ್ದೇಶಕ ಫರ್ಹಾನ್ ಅಖ್ತರ್ ಮತ್ತು ನಟಿ -ಗಾಯಕಿ ಶಿಬಾನಿ ದಾಂಡೇಕರ್ ಅವರು ಶನಿವಾರ ಪ್ರತಿಜ್ಞೆ ವಿನಿಮಯ ಮಾಡಿಕೊಳ್ಳುವ ಮೂಲಕ ದಾಂಪತ್ಯ ಜೀವನಕ್ಕೆ ಕಾಲಿರಿಸಿದ್ದಾರೆ.

ಫರ್ಹಾನ್ ಅವರ ತಂದೆ ಜಾವೇದ್ ಅಖ್ತರ್ ಮತ್ತು ಅವರ ಪತ್ನಿ ಶಬಾನಾ ಅಜ್ಮಿ ಅವರ ಖಂಡಾಲಾ ಫಾರ್ಮ್‌ಹೌಸ್ ಸುಕೂನ್ ನಲ್ಲಿ ತಾರಾ ಜೋಡಿಯ ವಿವಾಹವು ಆತ್ಮೀಯ ಅತಿಥಿಗಳ ಸಮ್ಮುಖದಲ್ಲಿ ನಡೆಯಿತು.

ಮುಂಬೈನಲ್ಲಿ ಗುರುವಾರ ಹಳದಿ ಸಮಾರಂಭ ಸೇರಿದಂತೆ ವಿವಾಹ ಪೂರ್ವ ಸಂಭ್ರಮಗಳು ನಡೆದಿದ್ದವು. ಫರ್ಹಾನ್ ಅಖ್ತರ್ ಮತ್ತು ಶಿಬಾನಿ ಕಳೆದ ಮೂರು ವರ್ಷಗಳಿಂದ ಪರಸ್ಪರ ಪ್ರೀತಿಸುತ್ತಿದ್ದರು.

ಸಾಂಪ್ರದಾಯಿಕವಾಗಿ ಮರಾಠಿ ಅಥವಾ ಮುಸ್ಲಿಂ ಪದ್ದತಿಯ ಬದಲಿಗೆ ದಂಪತಿಗಳು ಪ್ರತಿಜ್ಞೆ ವಿನಿಮಯ ಮಾಡಿಕೊಂಡಿದ್ದಾರೆ. ದಂಪತಿಗಳು ಪರಸ್ಪರರ ಧಾರ್ಮಿಕ ಹಿನ್ನೆಲೆ ಮತ್ತು ನಂಬಿಕೆಗಳನ್ನು ಗಮನದಲ್ಲಿಟ್ಟುಕೊಂಡು ಈ ನಿರ್ಧಾರ ಮಾಡಿದ್ದಾರೆ.