ಮಂಡ್ಯ : ರಸ್ತೆ ಮೇಲೆ ಬಿದ್ದ ಬೃಹತ್ ಮರ! ರಸ್ತೆ ಬದಿ ನಿಲ್ಲಿಸಿದ ಕಾರು, ಬೈಕುಗಳು ಜಖಂ

ಮಂಡ್ಯ : ನಗರದ ಹೃದಯ ಭಾಗದಲ್ಲಿ ಇದ್ದ ಬೃಹತ್ ಗಾತ್ರದ ಮರವೊಂದು ಬಿದ್ದ ಪರಿಣಾಮ ಒಂದು ಕಾರು ಹಾಗು ಹಲವು ಬೈಕುಗಳು ಜಖಂಗೊಂಡ ಘಟನೆ ಸೋಮವಾರ ನಡೆದಿದೆ.

ಕಳೆದ ಎರಡು ದಿನಗಳಿಂದ ಸುರಿಯುತ್ತಿರುವ ಧಾರಾಕಾರ ಗಾಳಿ ಮಳೆಗೆ ಮಂಡ್ಯ ಪೇಟೆಯಲ್ಲಿ ಇದ್ದ ಮರ ಧರೆಗುರುಳಿದೆ ಅದೃಷ್ಟವಶಾತ್ ಯಾವುದೇ ಪ್ರಾಣಹಾನಿ ಸಂಭವಿಸಿಲ್ಲ.

ಇಲ್ಲಿನ ರಸ್ತೆಯ ಬದಿಗಳಲ್ಲಿ ಕಾರು ಹಾಗು ಬೈಕುಗಳನ್ನು ನಿಲ್ಲಿಸಲಾಗಿತ್ತು ಮರ ಬಿದ್ದ ಪರಿಣಾಮ ಒಂದು ಕಾರು ಹಾಗು ಹಲವು ಬೈಕುಗಳು ಮರದಡಿಗೆ ಬಿದ್ದು ಜಖಂಗೊಂಡಿವೆ.

ಇದನ್ನೂ ಓದಿ :ಟಿಪ್ಪರ್ ಹರಿದು ತಾಯಿ, ಮಗು ದುರ್ಮರಣ: ಪವಾಡಸದೃಶ ರೀತಿಯಲ್ಲಿ ಪಾರಾದ ಪತಿ

ನಗರದಲ್ಲಿ ಅಪಾಯದ ಸ್ಥಿತಿಯಲ್ಲಿದ್ದ ಮರವನ್ನು ಕಡಿಯದೆ ಬಿಟ್ಟ ನಗರ ಸಭೆಯ ಅಧಿಕಾರಿಗಳ ವಿರುದ್ಧ ಸಾರ್ವಜನಿಕರು ಆಕ್ರೋಶ ವ್ಯಕ್ತಪಡಿಸಿದ್ದಾರೆ.