Fake ಜಾತಿ ಪ್ರಮಾಣ ಪತ್ರ: ಸಂಸದೆ ರಾಣಾಗೆ ಸುಪ್ರೀಂ ರಿಲೀಫ್

ಹೊಸದಿಲ್ಲಿ: ನಾಮಪತ್ರ ಸಲ್ಲಿಕೆಯ ಕೊನೆಯ ದಿನವಾದ ಗುರುವಾರ, ಮಹಾರಾಷ್ಟ್ರದ ಅಮರಾ ವತಿ ಹಾಲಿ ಸಂಸದೆ ನವನೀತ್‌ ಕೌರ್‌ ರಾಣಾ ಅವರಿಗೆ ಸುಪ್ರೀಂ ಕೋರ್ಟ್‌ ರಿಲೀಫ್ ನೀಡಿದೆ.

ಇತ್ತೀಚೆಗಷ್ಟೇ ಬಿಜೆಪಿ ಸೇರಿರುವ ರಾಣಾ ಅವರು ನಕಲಿ ಜಾತಿ ಸರ್ಟಿಫಿಕೆಟ್‌ ಪಡೆದಿದ್ದಾರೆಂದು ಆರೋಪಿಸಲಾಗಿತ್ತು. ರಾಣಾರ ಜಾತಿ ಸರ್ಟಿಫಿಕೆಟ್‌ ರದ್ದುಗೊಳಿಸಿ ಈ ಹಿಂದೆ ಬಾಂಬೆ ಹೈಕೋರ್ಟ್‌ 2021ರಲ್ಲಿ ನೀಡಿದ್ದ ಆದೇಶವನ್ನು ಸುಪ್ರೀಂ ಕೋರ್ಟ್‌ ಈಗ ರದ್ದು ಮಾಡಿದೆ.

ನವನೀತ್‌ ಕೌರ್‌ ರಾಣಾ ಅವರು ಸುಳ್ಳು ಜಾತಿ ಸರ್ಟಿಫಿಕೆಟ್‌ ಪಡೆದಿದ್ದಾರೆಂದು ಆರೋಪಿಸಿ ಶಿವಸೇನೆಯ ಆನಂದರಾವ್‌ ಕೋರ್ಟ್‌ ಮೊರೆ ಹೋಗಿದ್ದರು. ರಾಣಾ ಅವರು ಮೋಚಿ ಜಾತಿ(ಚಮ್ಮಾರ) ಜಾತಿ ಸರ್ಟಿಫಿಕೆಟ್‌ ಹೊಂದಿದ್ದಾರೆ.