ಗದ್ದಾಫಿ ಕ್ರೀಡಾಂಗಣದಲ್ಲಿ ನಕಲಿ ಬುಮ್ರಾ!

ಲಾಹೋರ್‌: ಒಬ್ಬರನ್ನೇ ಹೋಲುವ ಮತ್ತೂಬ್ಬರು ಕಾಣಸಿಗುತ್ತಾರೆ. ಮಾಜಿ ಕ್ರಿಕೆಟ್‌ ತಾರೆ ಸಚಿನ್‌,  ಕೊಹ್ಲಿಯನ್ನೇ ಹೋಲುವ ವ್ಯಕ್ತಿಗಳನ್ನು ನಾವು ಕಂಡಿದ್ದೇವೆ. ಅದರಲ್ಲೂ ಇತ್ತೀಚೆಗೆ ವಿರಾಟ್‌ ಕೊಹ್ಲಿಯನ್ನೇ ಹೋಲುವ ವ್ಯಕ್ತಿ ಪಾಕಿಸ್ಥಾನದ ಪಿಜ್ಜಾ ಅಂಗಡಿಯೊಂದರಲ್ಲಿ ಕೆಲಸ ಮಾಡುತ್ತಿರುವ ಫೋಟೋ ಫೇಸ್‌ಬುಕ್‌ನಲ್ಲಿ ವೈರಲ್‌ ಆಗಿತ್ತು. 

ಈಗ ಅಂಥದೇ ಸ್ವಾರಸ್ಯಕರ ಘಟನೆಯೊಂದು ನಡೆದಿದೆ. ಭಾರತ ವೇಗಿ ಬುಮ್ರಾ ಅವರನ್ನೇ ಹೋಲುವ ವ್ಯಕ್ತಿ ಪಾಕಿಸ್ಥಾನದಲ್ಲಿ ನಡೆದ ವಿಶ್ವ ಇಲೆವೆನ್‌ ಪಂದ್ಯದ ವೇಳೆ ಪ್ರೇಕ್ಷಕರ ಗ್ಯಾಲರಿಯಲ್ಲಿ ಕಾಣಿಸಿಕೊಂಡಿದ್ದಾನೆ. ಈ ಫೋಟೋವನ್ನು ಪಾಕ್‌ ಫೇಸ್‌ಬುಕ್‌ನಲ್ಲಿ ಅಪ್‌ಲೋಡ್‌ ಮಾಡಿದೆ. ಮಾತ್ರವಲ್ಲ ಪಾಕ್‌ಗೆ ಬಂದು ಪಂದ್ಯ ವೀಕ್ಷಿಸಿದ ಬುಮ್ರಾಗೆ ಅಭಿನಂದನೆಗಳು ಎನ್ನುವ ಸಂದೇಶವನ್ನೂ ಅಪ್‌ಲೋಡ್‌ ಮಾಡಲಾಗಿದೆ!