ಹಣದುಬ್ಬರ ಶೇ. 5ಕ್ಕೆ ಇಳಿಕೆ

ನವದೆಹಲಿ: ತರಕಾರಿ, ಹಣ್ಣು ಮತ್ತು ಇಂಧನ ಬೆಲೆ ಇಳಿಕೆಯಿಂದಾಗಿ ಜನವರಿಯ ಚಿಲ್ಲರೆ ಬೆಲೆ ಆಧರಿತ ಹಣದುಬ್ಬರ ಶೇ. 5.07ಕ್ಕೆ ಇಳಿಕೆಯಾಗಿದೆ. ಕಳೆದ ವರ್ಷದ  ಕಳೆದ ಡಿಸೆಂಬರ್‌ನಲ್ಲಿ ಹಣದುಬ್ಬರ ಶೇ. 5.21 ಆಗಿತ್ತು. ಇದು ಕಳೆದ 17 ತಿಂಗಳಲ್ಲೇ ಅತಿ ಹೆಚ್ಚಾಗಿತ್ತು. ಇನ್ನು ಕಳೆದ ಜನವರಿಯಲ್ಲಿ ಇದು ಶೇ. 3.17 ಆಗಿತ್ತು. ಗೃಹಬಳಕೆ ಸಾಮಗ್ರಿಗಳ ಬೆಲೆ ಏರಿಕೆಯು ಶೇ.4.796 ರಿಂದ ಶೇ. 4.7ಕ್ಕೆ ಇಳಿಕೆಯಾಗಿದೆ.

ಈ ಮಧ್ಯೆ ಔದ್ಯಮಿಕ ಉತ್ಪನ್ನ ಸೂಚ್ಯಂಕ ಸುಧಾರಣೆಯಾಗುತ್ತಿದ್ದು, ಡಿಸೆಂಬರ್‌ನಲ್ಲಿ ಇದು ಶೇ.7.1ಕ್ಕೆ ಏರಿಕೆ ಕಂಡಿದೆ. 2016 ಡಿಸೆಂಬರ್‌ಗೆ ಹೋಲಿಸಿದರೆ ಇದು ಶೇ. 2.4 ಅಂಶ ಏರಿಕೆಯಾಗಿದೆ. ಉತ್ಪಾದನೆ ಮತ್ತು ದೀರ್ಘಾವಧಿ ಹಾಗೂ ಅಲ್ಪಾವಧಿ ಬಂಡವಾಳ ಹೂಡಿಕ ಹೆಚ್ಚಳದಿಂದಾಗಿ ಈ ಪ್ರಗತಿ ಕಂಡುಬಂದಿದೆ.