ಗ್ರಾಮೀಣ ಕಲಾವಿದರಿಗೆ ಸೌಲಭ್ಯ ಕಲ್ಪಿಸಿ

ಉಗಾರ ಬಿಕೆ: ಗ್ರಾಮೀಣ ಕಲಾವಿದರಿಗೆ ಗ್ರಾಪಂ ಮಟ್ಟದಲ್ಲಿ ಸರ್ಕಾರಿ ಸೌಲಭ್ಯಗಳನ್ನು ಕಲ್ಪಿಸುವಂತೆ ಆಗ್ರಹಿಸಿ ಜಾನಪದ ಕಲಾವಿದರು ಸಂಸದ ಅಣ್ಣಾಸಾಹೇಬ ಜೊಲ್ಲೆ ಅವರಿಗೆ ಮನವಿ ಸಲ್ಲಿಸಿದರು.

ಈ ವೇಳೆ ಗ್ರಾಮೀಣ ಕಲಾವಿದರು ಮಾತನಾಡಿ, ಗ್ರಾಮೀಣ ಕಲಾವಿದರಿಗೆ ನೀಡುತ್ತಿರುವ 1500 ರೂ. ಯಾವುದಕ್ಕೂ ಸಾಲುತ್ತಿಲ್ಲ. ಇದರಿಂದ ಕಲಾವಿದರು ಜೀವನ ಸಾಗಿಸುವುದೇ ದುಸ್ತರವಾಗಿದೆ. ಅನೇಕ ಕಲಾವಿದರೂ ಮುಪ್ಪಿನಾವಸ್ಥೆಯಲ್ಲಿ ಅನಾರೋಗ್ಯದಿಂದ ಬಳಲುತ್ತಿದ್ದು, ಉಚಿತ ವೈದ್ಯಕೀಯ ಸೌಲಭ್ಯ ದೊರೆತ್ತಿಲ್ಲ ಎಂದು ಆರೋಪಿಸಿದರು. ಶೀಘ್ರವೇ ಗ್ರಾಪಂ ಮಟ್ಟದಲ್ಲಿ ವಿವಿಧ ಸೌಲಭ್ಯಗಳನ್ನು ಕಲ್ಪಿಸಲು ಸರ್ಕಾರ ಮುಂದಾಗಬೇಕು ಎಂದರು.

ಈ ವೇಳೆ ಡಾ. ಕಾಡಯ್ಯ ಸ್ವಾಮೀಜಿ, ಬಂಡು ಕುಂಬಾರ, ಸುರೇಶ ಕೋಳಿ, ಡಿ.ಎಸ್‌. ಚಾಳೇಕರ, ಪರಶುರಾಮ ಶಿರದವಾಡೆ, ಮಧುಕರ ಬಡಿಗೇರ, ಸುಕುಮಾರ ಅರವಾಡೆ, ಗಂಗಣ್ಣ ಕುಂಬಾರ ಇದ್ದರು