Export: ರಫ್ತು ಪ್ರಮಾಣ ಶೇ.6.21 ಏರಿಕೆ

ಹೊಸದಿಲ್ಲಿ: ದೇಶದ ರಫ್ತು ಪ್ರಮಾಣ ಅಕ್ಟೋಬರ್‌ನಲ್ಲಿ ಶೇ.6.21ರಷ್ಟು ಏರಿಕೆ ಕಂಡಿದ್ದು, ಈ ಅವಧಿಯಲ್ಲಿ 33.57 ಶತಕೋಟಿ ಡಾಲರ್‌ ಮೌಲ್ಯದ ಸರಕುಗಳನ್ನು ಭಾರತ ರಫ್ತುಮಾಡಿದೆ ಎಂದು ಸರಕಾರಿ ದತ್ತಾಂಶಗಳು ತಿಳಿಸಿವೆ. ಕಳೆದ ವರ್ಷ ಇದೇ ಸಮಯದಲ್ಲಿ ರಫ್ತು ಪ್ರಮಾಣ 31.46 ಶತಕೋಟಿ ಡಾಲರ್‌ಗಳಾಗಿತ್ತು.

ಆಮದು ಪ್ರಮಾಣವೂ ಕಳೆದ ವರ್ಷಕ್ಕಿಂತ ಹೆಚ್ಚಿದ್ದು, 2022ರ ಅಕ್ಟೋಬರ್‌ನಲ್ಲಿ 57.91 ಶತಕೋಟಿ ಡಾಲರ್‌ ಇದ್ದದ್ದು ಈ ಬಾರಿ 65.03 ಶತಕೋಟಿ ಡಾಲರ್‌ಗೆ ಏರಿಕೆಯಾಗಿದೆ. ಏತನ್ಮಧ್ಯೆ ವ್ಯಾಪಾರ ಕೊರತೆ 31.46 ಶತಕೋಟಿ ಡಾಲರ್‌ಗೆ ತಲುಪಿದೆ. 2023-24ನೇ ಆರ್ಥಿಕ ವರ್ಷದ ಮೊದಲ 7 ತಿಂಗಳಿನ ಅವಧಿಯಲ್ಲಿ (ಎಪ್ರಿಲ್‌-ಅಕ್ಟೋಬರ್‌) ರಫ್ತು ಶೇ.7ರಷ್ಟು ಕಡಿಮೆಯಾಗಿ 244.89 ಶತಕೋಟಿ ಡಾಲರ್‌ಗೆ ತಲುಪಿದ್ದರೆ, ಆಮದು ಕೂಡ ಶೇ.8.95ರಷ್ಟು ಕಡಿಮೆಯಾಗಿ 391.96 ಶತಕೋಟಿ ಡಾಲರ್‌ಗೆ ಇಳಿಕೆಯಾಗಿದೆ.