Exam; ರದ್ದಾಗಿದ್ದ ನೀಟ್‌-ಪಿಜಿ ಆಗಸ್ಟ್‌ನಲ್ಲಿ ನಡೆಯುವ ಸಾಧ್ಯತೆ:ಅಭಿಜಿತ್‌ ಸೇಠ್

ಗೋಧ್ರಾ /ಹೊಸದಿಲ್ಲಿ: ಇತ್ತೀಚೆಗೆ ರದ್ದಾಗಿದ್ದ ನೀಟ್‌- ಪಿ.ಜಿ. ಪ್ರವೇಶ ಪರೀಕ್ಷೆ ಮುಂದಿನ ತಿಂಗಳು ನಡೆಯವ ಸಾಧ್ಯತೆಗಳು ಇವೆ. ಅದಕ್ಕೆ ಸಂಬಂಧಿಸಿದಂತೆ ಶೀಘ್ರವೇ ದಿನಾಂಕ ಹೊರಬೀಳಲಿದೆ ಎಂದು ಪರೀಕ್ಷಾ ಮಂಡಳಿ ಅಧ್ಯಕ್ಷ ಡಾ| ಅಭಿಜಿತ್‌ ಸೇಠ್ ತಿಳಿಸಿದ್ದಾರೆ. ಅಕ್ರಮ ನಡೆದ ಶಂಕೆ ಹಿನ್ನೆಲೆಯಲ್ಲಿ ಜೂ.22ರಂದು ನಡೆಯ ಬೇಕಾಗಿದ್ದ ನೀಟ್‌-ಪಿ.ಜಿ. ರದ್ದುಗೊಳಿಸಲಾಗಿತ್ತು.

ಸಿಬಿಐನಿಂದ ಶಾಲಾ ಮಾಲಕನ ಸೆರೆ: ನೀಟ್‌ ಅಕ್ರಮ ಆರೋಪಕ್ಕೆ ಸಂಬಂಧಿಸಿ ಗುಜರಾತ್‌ನ ಗೋಧ್ರಾದಲ್ಲಿ ಖಾಸಗಿ ಶಾಲೆಯ ಮಾಲಕ ದೀಕ್ಷಿತ್‌ ಪಟೇಲ್‌ ಎಂಬಾತನನ್ನು ಸಿಬಿಐ ಬಂಧಿಸಿದೆ. ಮೇ 5ರಂದು ನಡೆದಿದ್ದ ಪರೀಕ್ಷೆಯಲ್ಲಿ ಪಟೇಲ್‌ ಮಾಲಕತ್ವದ ಶಾಲೆಯಲ್ಲೂ ಪರೀಕ್ಷಾ ಕೇಂದ್ರವಿತ್ತು. ಅಕ್ರಮ ಆರೋಪದಲ್ಲಿ ಸಿಬಿಐ ಬಂಧಿಸಿದ 6ನೇ ವ್ಯಕ್ತಿಯಾಗಿದ್ದಾನೆ.