ಯುರೋಪ್‌ ನಲ್ಲಿ ಭೀಕರ ಹಿಮಪಾತ: 55 ಮಂದಿ ಬಲಿ

ಪ್ಯಾರಿಸ್‌ : ಯುರೋಪ್‌ನಲ್ಲಿ ಆಗುತ್ತಿರುವ ಭೀಕರ ಹಿಮಪಾತಕ್ಕೆ ನಿನ್ನೆ ಗುರುವಾರ 55 ಮಂದಿ ಬಲಿಯಾಗಿದ್ದಾರೆ.

ಉತ್ತರದಿಂದ ದಕ್ಷಿಣದ ಮೆಡಿಟರೇನಿಯನ್‌ ತೀರದ ವರೆಗಿನ ಎಲ್ಲ ದೇಶಗಳೂ ಹಿಮಾವೃತವಾಗಿವೆ. ವರ್ಷದ ಈ ಅವಧಿಯಲ್ಲಿ ಯುರೋಪ್‌ ನಲ್ಲಿ ಹಿಮಪಾತವಾಗುವುದು ಸಾಮಾನ್ಯವೇ ಆದರೂ ಈ ಬಾರಿ ಅದು ಅತ್ಯಧಿಕವಾಗಿದೆ. 

ಪೋಲಂಡ್‌ನ‌ಲ್ಲಿ ಹಿಮಗಡ್ಡೆಯಡಿ ಸಿಲುಕಿ ಮೂವರು ಮೃತಪಟ್ಟಿದ್ದಾರೆ. ಈ ವರ್ಷ ಈ ತನಕ ಪೋಲಂಡ್‌ ಒಂದರಲ್ಲೇ 21 ಮಂದಿ ಹಿಮಪಾತದಿಂದ ಸಾವಪ್ಪಿದ್ದಾರೆ. 

ಹಿಮಪಾತ ಇದೇ ರೀತಿ ಮುಂದುವರಿಯುವ ಹವಾಮಾನ ಮುನ್ನೆಚ್ಚರಿಕೆ ಇದ್ದು ಯುರೋಪ್‌ ಆದ್ಯಂತ ವಿಮಾನ ಯಾನಗಳು ತೀವ್ರವಾಗಿ ಬಾಧಿತವಾಗಿವೆ; ಶಾಲೆಗಳು ಮುಚ್ಚಲ್ಪಟ್ಟಿವೆ ಎಂದು ವರದಿಯಾಗಿದೆ.