ಫ್ರಿಡ್ಜ್ನಲ್ಲಿ ಅಡಗಿದ ಬ್ರಿಟನ್‌ ಪ್ರಧಾನಿ ಬೋರಿಸ್‌ ಜಾನ್ಸನ್‌

ಲಂಡನ್‌: ಬ್ರಿಟನ್‌ನ ಚುನಾವಣೆ ನಡುವೆಯೇ ಪ್ರಧಾನಿ ಬೋರಿಸ್‌ ಜಾನ್ಸನ್‌ ಫ್ರಿಡ್ಜ್ನಲ್ಲಿ ಅಡಗಿ ಕುಳಿತ ಸುದ್ದಿಯೊಂದು ಭಾರೀ ಚರ್ಚೆಗೆ ಗ್ರಾಸವಾಗಿದೆ. ಪ್ರಧಾನಿ ಬೋರಿಸ್‌ ಗುಡ್‌ ಮಾರ್ನಿಂಗ್‌ ಬ್ರಿಟನ್‌ ಎಂಬ ಟೀವಿ ಸಂದರ್ಶನದಲ್ಲಿ ಭಾಗಿಯಾಗಬೇಕಿತ್ತು. ಅದರಿಂದ ತಪ್ಪಿಸಿಕೊಳ್ಳಲು ಅವರು ಸಂದರ್ಶನ ನಡೆಸುತ್ತಿದ್ದ ಇಬ್ಬರು ನಿರೂಪಕರಿಗೆ, ಇನ್ನೊಂದು ಸೆಕೆಂಡ್‌ನ‌ಲ್ಲಿ ನಾನು ವಾಪಸಾಗುತ್ತೇನೆ ಎಂದು ಹೇಳಿ ಅವರು ತೆರಳುತ್ತಾರೆ.

‘ನೀವು ನೇರಪ್ರಸಾರದಲ್ಲಿ ಇದ್ದೀರಿ’ ಎಂದು ಹೇಳಿದರೂ ಕೇಳದೇ, ಫ್ರಿಡ್ಜ್ ಬಳಿ ಹೋಗಿ ಒಳಗಿದ್ದ ಹಾಲಿನ ಬಾಟಲಿಗಳನ್ನು ಹೊರಹಾಕಿ ಮನೆಯ ಫ್ರಿಡ್ಜ್ನಲ್ಲಿ ಅಡಗಿ ಕುಳಿತಿದ್ದರು ಎನ್ನಲಾಗಿದೆ. ಸಂದರ್ಶನ ನಡೆಯುತ್ತಿದ್ದಾಗ ಅವರು ಅದರೊಳಗೆ ಹೋಗುತ್ತಾರೆ. ಆಗ ‘ಅದು ಬಂಕರ್‌’ ಎಂದು ಹೇಳುವ ಧ್ವನಿಯೂ ಕೇಳುತ್ತದೆ. ಆದರೆ ಅವರ ಪಕ್ಷ ಇದನ್ನು ನಿರಾಕರಿಸಿದೆ.