ಗೆಳತಿ ಜತೆಗೆ ದಿನ ಕಳೆದ ಬ್ರಿಟನ್‌ ಪಿಎಂ ಬೋರಿಸ್ ಜಾನ್ಸನ್

ಲಂಡನ್: ಕೋವಿಡ್ ವೈರಸ್ ಸೋಂಕಿತರಾಗಿದ್ದ ಕಾರಣದಿಂದ ಚಿಕಿತ್ಸೆ ಪಡೆದು ಡಿಸ್ಚಾರ್ಜ್‌ ಆಗಿರುವ ಬ್ರಿಟನ್‌ ಪ್ರಧಾನಿ ಬೋರಿಸ್‌ ಜಾನ್ಸನ್‌ ತಮ್ಮ ಗೆಳತಿ ಕ್ಯಾರಿ ಸೈಮಂಡ್ಸ್‌ ಜತೆಗೆ ದಿನ ಕಳೆದಿದ್ದಾರೆ ಮತ್ತು ಅಲ್ಲಿಯೇ ವಿಶ್ರಾಂತಿ ಪಡೆಯುತ್ತಿದ್ದಾರೆ.

ಇದೇ ವೇಳೆ ಅವರ ಗೃಹ ಕಚೇರಿ ಡೌನಿಂಗ್‌ ಸ್ಟ್ರೀಟ್‌ ಪ್ರಕಟಣೆ ಹೊರಡಿಸಿ ಸದ್ಯಕ್ಕೆ ಅವರು ಕರ್ತವ್ಯಕ್ಕೆ ಹಾಜರಾಗುವುದಿಲ್ಲ ಎಂದು ತಿಳಿಸಿದೆ. ಭಾನುವಾರ ವಿಡಿಯೋ ಸಂದೇಶ ನೀಡಿದ್ದ ಪ್ರಧಾನಿ ಸರ್ಕಾರದ ಸೂಚನೆ ಪಾಲಿಸಿ, ಸುರಕ್ಷಿತರಾಗಿರಿ ಎಂದಿದ್ದಾರೆ ಈ ನಡುವೆ ಬ್ರಿಟನ್‌ನಲ್ಲಿ ಮಾರಕ ಕೋವಿಡ್ ವೈರಸ್ ಗೆ 717 ಮಂದಿ ಸಾವಿಗೀಡಾಗುವ ಮೂಲಕ 11,329 ಮಂದಿ ಅಸುನೀಗಿದ್ದಾರೆ.