ಇಂಗ್ಲೆಂಡ್‌ ಫ‌ುಟ್ಬಾಲಿಗ ಮಾರ್ಟಿನ್‌ ಪೀಟರ್ ನಿಧನ

ಲಂಡನ್‌: ಇಂಗ್ಲೆಂಡಿನ ಖ್ಯಾತ ಫ‌ುಟ್ಬಾಲಿಗ ಮಾರ್ಟಿನ್‌ ಪೀಟರ್ ನಿಧನರಾಗಿದ್ದಾರೆ. 76 ವರ್ಷದ ಅವರು ವಯೋಸಹಜ ಅನಾರೋಗ್ಯದಿಂದ ಬಳಲುತ್ತಿದ್ದರು ಎಂದು “ವೆಸ್ಟ್‌ ಹ್ಯಾಮ್‌ ಯುನೈಟೆಡ್‌’ ಪತ್ರಿಕಾ ಪ್ರಕಟಣೆಯಲ್ಲಿ ತಿಳಿಸಿದೆ.

1966ರಲ್ಲಿ ಇಂಗ್ಲೆಂಡ್‌ ತಂಡ ವಿಶ್ವಕಪ್‌ ಜಯಿಸುವಲ್ಲಿ ಮಾರ್ಟಿನ್‌ ಪೀಟರ್ ಮಹತ್ವದ ಪಾತ್ರ ನಿರ್ವಹಿಸಿದ್ದರು. ಅಂದು ಪೀಟರ್ ಅವರನ್ನು ಒಳಗೊಂಡ ಆಂಗ್ಲರ ಪಡೆ ಪಶ್ಚಿಮ ಜರ್ಮನಿಯನ್ನು ಸೋಲಿಸಿ ಪ್ರಶಸ್ತಿ ಗೆದ್ದಿತ್ತು. ಈ ಪ್ರಶಸ್ತಿ ಹಣಾಹಣಿಯಲ್ಲಿ ಪೀಟರ್ ಒಂದು ಗೋಲು ಬಾರಿಸಿದ್ದರು.

15ರ ಹರೆಯದಲ್ಲೇ ಮಾರ್ಟಿನ್‌ ಪೀಟರ್ ವೆಸ್ಟ್‌ ಹ್ಯಾಮ್‌ ಪರ ಆಡುವ ಮೂಲಕ ಫ‌ುಟ್‌ಬಾಲ್‌ ರಂಗ ಪ್ರವೇಶಿಸಿದ್ದರು. 1962ರಲ್ಲಿ ರಾಷ್ಟ್ರೀಯ ತಂಡಕ್ಕೆ ಪದಾರ್ಪಣೆ ಮಾಡಿದ್ದರು.