ಎಂಜಿನಿಯರಿಂಗ್‌ ಪಠ್ಯಕ್ರಮದಲ್ಲಿ ಬದಲಾವಣೆ ಅಗತ್ಯ: ವಿನಯ ಹೆಗ್ಡೆ

ಮಂಗಳೂರು : ಇಂದಿನ ಸ್ಪರ್ಧಾತ್ಮಕ ಯುಗಕ್ಕೆ ತಕ್ಕಂತೆ ಎಂಜಿನಿಯರಿಂಗ್‌ ಕಾಲೇಜುಗಳ ಪಠ್ಯಕ್ರಮದಲ್ಲಿ ಅಮೂಲಾಗ್ರವಾದ ಬದಲಾವಣೆಯನ್ನು ತರುವ ಅಗತ್ಯವಿದೆ ಎಂದು ನಿಟ್ಟೆ ಎಜುಕೇಶನ್‌ ಟ್ರಸ್ಟ್‌ನ ಅಧ್ಯಕ್ಷ ಎನ್‌. ವಿನಯ ಹೆಗ್ಡೆ ಹೇಳಿದರು.

ನಗರದ ಭಾರತ್‌ ಮಾಲ್‌ನಲ್ಲಿ ಕಾಮೆಡ್‌-ಕೇ ವತಿಯಿಂದ ಕಾಮೆಡ್‌ ಕೇರ್ ಇನ್ನೋವೇಶನ್‌ ಹಬ್‌ ಅನ್ನು ಉದ್ಘಾಟಿಸಿ ಮಾತನಾಡಿದರು.

ಕಾಮೆಡ್‌- ಕೆ ಕಾರ್ಯ ನಿರ್ವಾಹಕ ಕಾರ್ಯದರ್ಶಿ ಡಾ| ಎಸ್‌. ಕುಮಾರ್‌ ಮಾತನಾಡಿ, ರಾಜ್ಯದ ಎಂಟು ಕಡೆ ಇನ್ನೋವೇಶನ್‌ ಹಬ್‌ಗಳನ್ನು ಮಾಡ ಲಾಗುತ್ತಿದೆ. ಮೊದಲ ಭಾಗವಾಗಿ ಬೆಂಗಳೂರಿನಲ್ಲಿ ನಾಲ್ಕು ಉಳಿದಂತೆ ಮಂಗಳೂರು, ಮೈಸೂರು, ಕಲಬುರಗಿ ಮತ್ತು ಬೆಳಗಾವಿಯಲ್ಲಿ ಈ ಹಬ್‌ಗಳನ್ನು ಆರಂಭಿಸಲಾಗುತ್ತದೆ. ಎಂಜಿನಿಯರಿಂಗ್‌ ವಿದ್ಯಾರ್ಥಿಗಳು ಹೊಸ ಮತ್ತು ಉದ ಯೋನ್ಮುಖ ತಂತ್ರಜ್ಞಾನಗಳ ಕುರಿತು ಹೆಚ್ಚು ಅಪ್‌ಡೇಟ್‌ ಆಗಲು ಸಹಾಯ ಮಾಡುವ ಗುರಿಯನ್ನು ಇನ್ನೋವೇಶನ್‌ ಹಬ್ ಹೊಂದಿದೆ ಎಂದರು.

ಈ ಸಂದರ್ಭ ಸಿಐಐ ಮಂಗಳೂರು ಶಾಖೆಯ ಚೇರ್‌ಮನ್‌ ಗೌರವ ಹೆಗ್ಡೆ, ಇಆರ್‌ಎ ಫೌಂಡೇಶನ್‌ನ ಸಿಇಒ ಪಿ. ಮುರಳೀಧರ್‌, ಇಆರ್‌ಎ ಫೌಂಡೇಶನ್‌ ಅಧ್ಯಕ್ಷ ಬಿ.ಎನ್‌.ಸುಬ್ರಹ್ಮಣ್ಯ ಉಪಸ್ಥಿತರಿದ್ದರು.