USA: ಉದ್ಯೋಗ ಕಾರ್ಡ್‌ 5 ವರ್ಷಕ್ಕೆ ವಿಸ್ತರಣೆ

ವಾಷಿಂಗ್ಟನ್‌: ಅಮೆರಿಕದಲ್ಲಿ ಗ್ರೀನ್‌ಕಾರ್ಡ್‌ಗಾಗಿ ಕಾಯುತ್ತಿರುವವರು ಸೇರಿದಂತೆ, ವಲಸಿಗರಲ್ಲದ ಕೆಲವು ವರ್ಗಗಳಿಗೆ 5 ವರ್ಷಗಳ ಅವಧಿಗೆ ಉದ್ಯೋಗ ದೃಢೀಕರಣ ಕಾರ್ಡ್‌ಗಳನ್ನು ನೀಡಲು ಅಮೆರಿಕ ಚಿಂತನೆ ನಡೆಸಿದೆ. ಇದರಿಂದಾಗಿ ಅಮೆರಿಕದಲ್ಲಿರುವ ಭಾರತೀಯರಿಗೆ ಪ್ರಯೋಜನವಾಗಲಿದೆ.

ಅಮೆರಿಕ ಪೌರತ್ವ ಮತ್ತು ವಲಸೆ ಸೇವೆಗಳ ಪ್ರಕಾರ, ಈಗಾಗಲೇ ಉದ್ಯೋಗ ಆಧರಿತವಾಗಿ ನೀಡಲಾಗುತ್ತಿರುವ ದೃಢೀಕರಣ ಕಾರ್ಡ್‌ಗೆ ಅರ್ಜಿ ಸಲ್ಲಿಕೆಯಾಗುತ್ತಿವೆ ಹಾಗು ಅವುಗಳ ನವೀಕರಣಕ್ಕಾಗಿಯೂ ಬಹಳಷ್ಟು ಅರ್ಜಿ ಸಲ್ಲಿಕೆಯಾಗಿದೆ. ಆ ಪ್ರಮಾಣವನ್ನು ತಗ್ಗಿಸುವು ಉದ್ದೇಶದಿಂದ, ಈಗ ಬಾಕಿ ಉಳಿದಿರುವ ಅರ್ಜಿಗಳನ್ನು ಪರಿಶೀಲಿಸಿ ತೆರವುಗೊಳಿಸಲು ಅನುವಾಗುವಂತೆ ಪ್ರಸಕ್ತ ಉದ್ಯೋಗ ದೃಢೀಕರಣ ಕಾರ್ಡ್‌ನ ಮಾನ್ಯತೆಯನ್ನು 5 ವರ್ಷಕ್ಕೆ ವಿಸ್ತರಿಸಲಾಗಿದೆ ಎಂದಿದೆ.