ಅಬುಧಾಬಿಗೆ ಎಮಾನ್‌ ಅಹ್ಮದ್‌ ಸ್ಥಳಾಂತರ?

ಮುಂಬಯಿ: ಬೊಜ್ಜು ಕರಗಿಸುವ ಶಸ್ತ್ರಚಿಕಿತ್ಸೆಗಾಗಿ ಈಜಿಪ್ಟ್ನಿಂದ ಮುಂಬೈಗೆ ಆಗಮಿಸಿ  ಚಿಕಿತ್ಸೆ ಪಡೆಯುತ್ತಿರುವ ಜಗತ್ತಿನ ಅತಿ ತೂಕದ ಮಹಿಳೆ ಎಮಾನ್‌ ಅಹಮದ್‌ರನ್ನು ಮುಂಬೈನಿಂದ ಅಬುಧಾಬಿಗೆ ಸ್ಥಳಾಂತರಿಸುವ ಸಾಧ್ಯತೆ ಇದೆ. ‘ಮುಂಬಯಿಯಲ್ಲಿ ಎಮಾನ್‌ಗೆ ಚಿಕಿತ್ಸೆ ನೀಡುತ್ತಿರುವ ವೈದ್ಯರು ಕಟುಕರು, ತನ್ನ ಅಕ್ಕನ ಪ್ರಾಣದ ಜತೆ ಆಟವಾಡುತ್ತಿದ್ದಾರೆ. ಆಕೆ ಕಳೆದುಕೊಂಡಿರುವ ತೂಕದ ಬಗ್ಗೆ ಸುಳ್ಳು ಹೇಳುತ್ತಿದ್ದಾರೆ’ ಎಂದು ಅವರ ತಂಗಿ ಆರೋಪಿಸಿದ್ದರು. ಈಗ ಅಬುಧಾಬಿಯ ವಿಪಿಎಸ್‌ ಹೆಲ್ತ್‌ಕೇರ್‌ನ ಸಂಸ್ಥಾಪಕರು ನಮ್ಮ ಅಕ್ಕನಿಗೆ ಚಿಕಿತ್ಸೆ ನೀಡಲು ಮುಂದಾಗಿದ್ದಾರೆ. ಅಕ್ಕನ ಈಗಿನ ಸ್ಥಿತಿಯಲ್ಲಿ ಅವರೇ ಉತ್ತಮ ಆಯ್ಕೆ ಎಂದು ಹೇಳಿದ್ದಾರೆ.