ಆನೆ-ಹುಲಿ ದತ್ತು ನವೀಕರಿಸಿದ ನಟ ದರ್ಶನ್‌

ಮೈಸೂರು: ಪ್ರಾಣಿ-ಪಕ್ಷಿ ಪ್ರಿಯರಾದ ನಟ, ಚಾಲೆಂಜಿಂಗ್‌ ಸ್ಟಾರ್‌ ದರ್ಶನ್‌ ಮೈಸೂರು ಮೃಗಾಲಯದ ಆನೆ ಹಾಗೂ
ಹುಲಿಯನ್ನು ದತ್ತು ಪಡೆದಿದ್ದಾರೆ. ಕಳೆದ ನಾಲ್ಕು ವರ್ಷಗಳಿಂದ ಮೃಗಾಲಯದ ಒಂದು ಆನೆ ಹಾಗೂ ಒಂದು ಹುಲಿಯನ್ನು
ದತ್ತು ಪಡೆದಿರುವ ದರ್ಶನ್‌, 2.75 ಲಕ್ಷ ರೂ. ಶುಲ್ಕ ಪಾವತಿಸಿ ಮುಂದಿನ ಒಂದು ವರ್ಷಗಳ ಅವಧಿಗೆ ದತ್ತು ಸ್ವೀಕಾರ ನವೀಕರಿಸಿದ್ದಾರೆ. ಪ್ರಾಣಿ-ಪಕ್ಷಿಗಳ ಬಗ್ಗೆ ವಿಶೇಷ ಒಲವು-ಕಾಳಜಿ ಹೊಂದಿರುವ ದರ್ಶನ್‌ ಮೈಸೂರು ಮೃಗಾಲಯದ ಮಹಾ ಪೋಷಕರಾಗಿದ್ದಾರೆ ಎಂದು ಶ್ರೀ ಚಾಮರಾಜೇಂದ್ರ ಮೃಗಾಲಯದ ಕಾರ್ಯನಿರ್ವಾಹಕ ಅಧಿಕಾರಿ ತಿಳಿಸಿದ್ದಾರೆ.