ಕೇರಳ: ರಸ್ತೆ ಮಧ್ಯೆ ಜನ್ಮವಿತ್ತ ಆನೆ; ಟ್ರಾಫಿಕ್‌ ಜಾಮ್‌

ತಿರುವನಂತಪುರಂ: ತುಂಬುಗರ್ಭಿಣಿಯಾಗಿದ್ದ ಆನೆಯೊಂದು ರಸ್ತೆ ಮಧ್ಯದಲ್ಲೇ ಮರಿಗೆ ಜನ್ಮವಿತ್ತಿರುವ ಘಟನೆ ಕೇರಳದಲ್ಲಿ ನಡೆದಿದೆ.

ಇದರಿಂದಾಗಿ ಕೇರಳ ಮತ್ತು ತಮಿಳುನಾಡನ್ನು ಸಂಪರ್ಕಿಸುವ ರಸ್ತೆಯಲ್ಲಿ ಸುಮಾರು 1 ಗಂಟೆಯ ಕಾಲ ವಾಹನ ದಟ್ಟಣೆ ಉಂಟಾಗಿತ್ತು.

ಹಿಂಡಿನೊಂದಿಗೆ ಬರುತ್ತಿದ್ದ ಆನೆಗೆ ರಸ್ತೆಯ ಮಧ್ಯಕ್ಕೆ ಬರು ವಷ್ಟರಲ್ಲೇ ಹೆರಿಗೆಯಾಗಿದೆ. ಕೂಡಲೇ ಆ ಆನೆಗೆ ಆನೆಯ ಹಿಂಡು ರಕ್ಷಣೆ ನೀಡುತ್ತಾ ನಿಂತಿವೆ.

ಒಂದು ಗಂಟೆಯ ನಂತರ ತಾಯಿ ಆನೆಯು ಕರುವನ್ನು ಕರೆದುಕೊಂಡು ಕಾಡೊ ಳಗೆ ಹೋದ ನಂತರವೇ ಆನೆ ಹಿಂಡು ಕಾಡೊಳಗೆ ನಡೆದಿದ್ದು, ವಾಹನ ಸಂಚಾ ರಕ್ಕೆ ಅವಕಾಶ ಸಿಕ್ಕಿದೆ. ಈ ವಿಡಿಯೋ ಸಾಮಾಜಿಕ ಜಾಲತಾಣಗಳಲ್ಲೂ ಹರಿದಾಡಿದೆ.