ಮೂರನೇ ಬಾರಿ ಸಾಕಾನೆ ಕಾರ್ತಿಕ್‌ ದಾಳಿ;ಮಾವುತ ಗಂಭೀರ 

ಸೋಮವಾರ ಪೇಟೆ: ಇಲ್ಲಿನ ದುಬಾರೆ ಸಾಕಾನೆ ಶಿಬಿರದಲ್ಲಿ  ಸಾಕೆನೆಯೊಂದು ದಾಳಿ ಮಾಡಿದ ಪರಿಣಾಮವಾಗಿ ಮಾವುತ ಗಂಭೀರವಾಗಿ ಗಾಯಗೊಂಡಿರುವ ಘಟನೆ ಭಾನುವಾರ ನಡೆದಿದೆ.

ಕಾರ್ತಿಕ್‌ ಎಂಬ ಆನೆ ಮದವೇರಿ ದಾಳಿ ನಡೆಸಿದ್ದು, ಮಾವುತ ನವೀನ್‌ ಗಂಭೀರವಾಗಿ ಗಾಯಗೊಂಡಿದ್ದು ಮೈಸೂರಿನ ಆಸ್ಪತ್ರೆಗೆ ದಾಖಲಿಸಲಾಗಿದೆ. 

ನವೀನ್‌ ಹೊಟ್ಟೆಯ ಮೇಲೆ ಆನೆ ಕಾಲಿರಿಸಿದ್ದು ಸ್ಥಿತಿ ಗಂಭೀರವಾಗಿದೆ. 

ಕಾರ್ತಿಕ್‌ ಆನೆ 4 ವರ್ಷದ ಒಳಗೆ ನಡೆಸಿದ ಮೂರನೇ ದಾಳಿ ಇದಾಗಿದೆ. ಈ ಹಿಂದೆ ಇಬ್ಬರು ಮಾವುತರನ್ನು ಆನೆ ಬಲಿ ಪಡೆದಿತ್ತು.